ANIGOO  KU HADLAAYA MAGACAYGA GAARKA AH IYO KAN DHMAAN QURBE JOOGTA BEESHA GABOOYE EE REER SOMALILAND WAXANU TAAGEERO  BUUXAD U DIRAYNAA  WAR SAXFADEEDKII
UU SIIYAY SULDAAKA HALYAYGA AH SULDAAN DAAKIR XASAN KHALIIF TEFEESHINKA SOOMALI CHANEL IYO WABSAITKA CAALAMIGA AH EE OODWAYNENEWS IYO HC TV TAARIIKHDU KU ADANYEED
10/02/2012  WAR SAXFADEEDKAAS OO KA HADLAAYAY DHACADOYINKA MARBA KA SOO CUSBONAANAYA BUUHOODLE  TAAS OO SULDAANKU SHEEGAY
INAAN DAGAAL WAXBA LAGU HELINE LA ISKU SOO DHAWAADO OO AH RUNTII HADAL MIISAANKIISA IYO MACNIHIISBA LEH OO LOOGANA BARATAY SULDAANAKA INUU MAR KASTA SI GEESINIMO
KU DHEEHANTAHAY UUGA HADALO XOGTA DHABTA AH EE KOLBA KA JIRTA DALKEENA SOMALILAND HADABA SIDA  DARTEED WAXAANU TAGEERO BUUXAD MAR KASTA IYO GOOB KASTABA LA GARB
TAAGANAHAY SULDAANKA MANA  HABOONA IN  CID KASTAA SULDAANAKAYGA HADUU HADALO OO DHABTA UU KA HADLO AY U SOO JAWAABAN QAAR AAN MIISAN IYO MUUQNA KU LAYHEEN
BULSHA WAYNTA SOMALILAND WAXA TAAS MACNAHEEDU  YAHAY  INU SOO QORAY MAQAAL KU DAABACNAA WABSITKA CAALAMIGA AH EE HADHWANAAGNEWS  TARIIKHDU MARKAY AHAYEED 11/10/2012 OO SOO DAABACAY  QOFKAA AAN KORKA KU XUSAY EE AAN MISAAN IYO MAGC IYO MUUQ TOONA KU LAHAYEEN KUNA AF LAGADEEYAY SULADKII KUNA SHEEGAY WAXAANU SULDAANKAYGU AHAYEEN
WAXAANU U SHEEGAYNAA  HADAANU  NAHAY  DHAMAAN BEESHA GABOOYE EE REER SOMALILAND KUWA DALAKA JOOGA IYO DHAMAAN QURBE JOOGTAYDA BEESHUBA INAAN MARNABA U DUL
QAADAN DOONIN KANA AAMUSI DOONIN CID KASTOO ISKU DAYDA INAY AF LAGAADEYAAN SALDIINTAYADA  UU HORMOODKA KA YAHAY 1 SULDAAN DAAKIR XASAN KHALIIF .
2.BOQOR AXMED UGAAS IIMAN WARSAME 3.SULDAAN IID CABDILAAHI XIRISI 4.SULDAAN  NADIIF SEED JIBRIIR 4 SULDAAN IBRAAHIM CABDI XASAN  IYO DHAMAAN CUQAASHA BEESJHA  CAAQIL CABDI XUSEEN DHAGOOLE  IYO CAAQIL  CABDIQAADIR MUUSE CABBDILAAHI (BAADI)  OO AH HOGAAN DHQMEEDKA BEESHA GABOOYE EE REER SOMALILND WAXA KALOON KU SHEEGAYNAA  INAAN SOO DHAWAYNAYO  TAGEERAYNAN GOAANKII AY QAADATAY JAMHUURIYADA SOMALILAND EE KU AADANA KA QAYB GALAKA SHIRKA KA DHACAYA 23/02/2012 WAXAAN SI BUUXDA U RACSANAHAY GOAANKA AY GADHEEN DHAMAAN  MADAXWAYNAHA JAMHUURIYA SOMALILAND MUDANE AXMED MAXAMED ,MAXAMUUD SIILAANYO IYO GOLYAASHA QARKA SIDA WAKIILADA GUURTIDA
AXSAANBTA QARANAKA IYO DHMAAN  MADAX DHAQMEEDKA REER SOMALILAND  WAXAAN  KA CODSANAYNAA  MADAXDA  DALAK INAY WAFTIGA BAXAYEE TAGAYA SHIRKAAS AY KA QAYB GALIYAAN BEESHAYDA  KHASATAN INUU SAFARKAAS NOO RAACO  LA TALIYAHA MADAXWAYNAHA DADKA LA HAYB SOOCO  MUDANE GAR YAQAAN BARKHAD JAAMAC XIRSI OO ANAGA
KA QURBE JOOG AHAAN NOO AH SHARAF  WANAN IDINKU SOO  DHAWYNAYNAA  MAALINATA 23/0272012 WAXAAN KU SO KOOBAYAA  TAGERADAN  2 DHINAC KU KALA SOCATA IN SOMALINAD
SHACBKEEDA IYO XUKUUMADEEDUBA NOO SIIYAAN DHAMAAN MADAX DHAQMEEDKAYAGA KU SUGAN DALAKA GUDIHISA QADARIN IYO QIIMAYEEN   SIDAAD WADA OGSONTAHIIN   MARKAANU DHAWAAN KU TAGANAY BOOQASHO WAXAANU SI DARDORIYA UULA KULANAY MADAXDA DALAKA WAXANAN KA WADA HADALANAY  WAXYAABO DOOR AH OO KU AADAN BEESHA
UGU DAMBAYSTII WAXAAN MAR KASTA IYO XILI KASTA ANAGU KA QURBE JOOG AHAANA AANU TAGEERO BUUXDA LA GARAB TAAGANAHAY  GOONI SIU TAAGA JSL OO TAASI MARNABA ANAY
GALAYNIN GOR GORTAN XUKUUMADUNA WAA INAY  MUWADANIITA BEESHA GABOOYE SIISA  XAQ DHAWRKEEDA SIYAASADED IYO KA MADAX DHAQMEEDBA UG DAMBAYEEN WAXAAN KU CEL CELINAYAA  INAAN KA MID NOQON WAFDIGA U SOO KICITIMAAYA SHIRKA 23 FEEBARWERI  LONDEN SI AY BULSHADA CAALAMKU U ARGTO TIX GALINTA BEESHA GABOOYE E REER SOMALILAND
WAXA KALOON KU SOO AF JARAYAA TAGEERDAYDAN TA SULDAAKA IYO TA KA QAYBGALKA SHIRKA LONDEN INAAN SHIRKAASNA KALA SOO HOYANO GUUL BUUXDA MADAX BANANI BUXADA IYO IN LANOOGA DAAYO AF LAGAADADA SULDAAMADAYDA SIASIYIINYAYDA CULIMAA UDIINKAYGA IYO WAX GARDKAYGABA
WA BILAAHI TAWFIIQ
GUDOOMIYHA QURBE JOOGTA BEESHA GABOOYE EE REER SOMALILND
MUDANE:RASHIID CABDILAAHI GAAS
OSLO___NORWEY:

• No Related Post

Ururka Hiil oo saldhigiisu yahay wadanka Sweden ayaa waxaa uu deeq lacageed oo dhan 500$ Dollar soo gaadhsiiyey Ururka Haweenka ee Umu salama oo isna xaruntiisu tahay Magaalada Hargeisa,

Deeqdan lacagta ah ayaa waxaa gudoonsiinteeda loo soo igmaday Akademiga Horumarka iyo Waxbarashada gaar ahaan Gudoomiyaha Akademigaas Mudane: Hussein Ibrahim Hassan, Gudoonsiinta deeqdan oo ka dhacaday barxada hore ee Dugsiga Umu salama ayaa waxaa sidoo kale goobjoog ka ahaa iyaduna Wakiilka Ururka Hiil qeybtiisa agoomaha Somaliland Mudane: Hussein Cilmi Madar iyo Lataliyaha Madaxweynaha Arimaha Bulshada laheyb-sooco Barkhad Jama Hirsi.

Haddaba waxaa ugu horeyntiiba madasha ka hadashay Safiya oo kamid ah xubnaha ururka hiil waxaanay si gaar ah uugu mahadnaqday ururka hiil iyo Barbro Bolonassos Maamulaha guud ee Libareriga xaafada Fisksätra

ee Magaalada Stockhom wadanka sweden ahna u qaybsanaha qaybta dhaqanka ee ururka Hiil Relief and development Organisation.

waxaanay safiyi si gaar ah uugu mahadcalisay dhamaan dadka la shaqeeya Ururkooda iyo Dugsigooda oo ah mid si lacag la.aan ah ay waxbarshada dadban iyo ta kaleba ugu baraan danyarta xaafada haliwadaag ee magaalada hargeisa,

Gudoomiyaha Akademiga Hussein ayaa isna dhinaciisa mahadanaq balaadhan u soo jeediyey dhamaan maamulka iyo madaxda ururka hiil waxaanu sheegay inaaney aheyn markii kowaad ee deeq noocan oo kale ah ay soo gaadhsiiyaan ururkaasi bahda waxbarashada isagoo tilaamay iney ko hore uugu soo deeqeen Akademiga uu masuulka ka yahay lacag dhan 2000$ dollar, Hussein ayaa waxaa uu ku amaaney ururkaas waxqabadkiisa dhinaca dadka danyarta ah iyo bahda ka hawl gasha waxbarashada.

Hussein Cilmi Madar oo isn ah wakiilka dhinaca barnaamijyada Agoonta ee Ururka Hiil ayaa waxaa uu sheegay in ururku ku koobneyn oo kaliya dhinaca waxbarashada balse uu ka shaqeeyo dhinaca barnaamijyada Agoomaha isagoobuu yidhi hadda gacanta ku haya 20 qoys oo agoon ah bilksatana u soo dira lacag,

Hussein ayaa sheegay iney sanadka cusub qorshayaal badan u yaalo ururkooda kuwaas oo ay rabaan iney wax badan uugu qabtaan bulshada danyarta ah ee dalka gaar ahaan kuwa agoomaha ah iyo kuwa fursadaha waxbarashada ku waayey dhaqaale darro awgeed,

Hussein ayaa sheegay iney lacagtani ku timid bandhig dhaqameed lagu qabtey wadanka sweden magaalada stockhom

Maaha markii u horeysay ee ururka hiil deeq noocan oo kale ah soo gaadhsiiyo dadka danyarta ah iyo ururada ka hawl galla arimahooda ayuu ku soo koobay hadalkiisi.

waxaa isaguna ugu danbeyntii madhasha ka hadlay lataliyaha Madaxweyanaha Barkahd Jama Hirsi waxaanu sheegay sida ay u soo dhaweynayaan waxtarka dadka danyarta ah iyo kobcinta goobahooda tacliimeed isagoo carabkana ku adkeeyey iney tacliintu tahay shayga kaliyaata ah ee lagaga baxo dhitaabada la soo darista aadamaha haddii ay tahay dhinca dhaqaalaha iyo haddii ay tahay dhinacyada kale ee nolosha,

Barkhad ayaa waxaa uu si gaar ah uugu mahadceliyey maamulka iyo madaxda Ururka Hiil isagoo ku tilmaamay iney yihiin kuwo markastaba heegan uugu jira waxtarka dadka danyarta ah, waxaa ii farxad ah inaan goobjoog ka ahaado deeqdii 6 aad ee ururkaasi soo gaadhsiiyo qaarkamid ah dadka danyarta ah ee magaalada hargeisa iyadoo wiigii ina soo dhaafayna deeq raashin ah ay soo gaadhsiiyey qoysas badan ayuu yidhi barkhad.

Lataliyaha Madaxweynaha Barkhad Jama Hirsi ayaa waxaa uu ka waramay sida xukumad ahaan ay u soo dhaweynayaan waxtarka dadkan iyo waliba siyaasada xukumada ee sannadka cusub ee ku wajahan dadka danyarta ah.
Haddaba doonaysa inay arrinkan wax ka gaystaan hakala soo xidhiidheen gabdhaha Ummu Salama    amma Ururka Hiil Relief And Development Organisation oo ka dhisan magaalada Stockholm ee wadanka Sweden. Email hilrdo@hotmail.com

• No Related Post

Qoraal rasmi ah oo naga soo gaadhay xafiiska Lataliyaha Madaxweynaha Arimaha Bulshada laheyb-sooco isla markaana uugu jawaabayo xubno ka qeybgalay kana hadlay shirkii taleex kuwaas oo sheegay iney maqan yihiin xuquuqihii bulshada laheyb-sooco ee Somaliland

Qoraalkan ayaa waxaa uu u dhignaa sidan:

Waxaan marka hore aad iyo aad uuga raaligalinayaa dhamaan qeybaha kala duwan ee qaranka Somaliland gaar ahaan bulshaweynta sida gaarka ah u ilaalisa madaxbanaanida iyo jirtaanka Somaliland, haddalo ka soo yeedhay dad isku tilmaamey iney kamid yihiin waxgaradka bulshada Gabooye, kuwaas oo hadalo ka jeediyey shirkii lagu qabtey Taleex,

Haddaba aniga oo aan cidna cirdigeeda iyo sharafteeda ku xadgudbeyn ayaa waxaan rabaa inaan waxoogaa ku baraarujiyo kaalinta bulshada gabooye ku leeyihiin Somaliland iyo waliba sida Somaliland tixgalinta iyo mudnaanta u siiso bulshada gabooye haddii ay tahay xukumad iyo haddii ay tahay shacab

Tan iyo intii Somaliland madaxbanaanideeda iyo qaranimadeeda dib uula soo laabatey ayaa waxay kolba si habsami u socod leh uuga tallaabsaneysay caqabadihii horyaalay iyadoo soo martay wakhtiyo cajabtooda iyo cibaraarooyinkooda leh.

Waxaanay guulo wax ku ool ah ka gaadhay iney udub dhaxaadka haykalkeeda dawladnimo si fiican u qotomiso iyadoo aakhirkiina ku guuleysatey iney cod aqlabiyad ah shacabkeedu ku ansixiyan Distoor aad u mugweyn kaas oo qodobkiisa 4aad dhigayo in dalka saldhig u tahay shareecada Islaamka wixii ka hor imaadaana yihiin waxba kama jiraa.

doorashooyinkii dalka ee sida cajiibka ah uuga qabsoomay ayaa waxay jideeyeen in xilku yahay meerto oo midba maalin hayo, iyadoo xukumadihii xilka la kala wareegayey mudooyinkaas midiba intii karaankeeda aheyd ku dadaaleysay iney xuquuqda siyaasiga ah ee beelaha gabooye si gaar ah u ilaaliso ayaa waxaa lagu xasuusta xukumadii u danbeysay ee talada dalka laga wareegay iney ku lahaayeen wasiir kuxigeen,

dhinaca xukumada siilaanyo iyadu la timid aragti aragti taas ka duwan taas oo ay si gaar ah mudnaanta u siiyey bulshadan kadib markii ay daraasaysay sida ay  mihiimka u tahay awood galinta bulshadan gaar ahaan dhalinyaradeeda iyo kaalintooda wax ku oolka ah ee ay uugu jiraan qaranka.

Madaxweyne: Axmed Max,ed Max,ud Silanyo isagoo niyada ku haya sinaanta muwaadiinta iyo waliba dhowrista xuquuqdooda ayaa waxaa uu digreto ku soo saaray in wasaaradaha iyo haayada dawlada si bilaa shuruud la,aan ah looga shaqo galiyo dhalinyaro fara badan oo lagu soo xulay aqoontooda iyo kartidooda kuwaas oo ay soo xuleen sallaadiinta iyo boqorada bulshadan, iyadoo hadda tiradooda guud mareyso 70 qof kuwaas oo si toos ah uuga hawl gala haayada qaranka.

Intaas un kumuu koobin Madaxweyuhu balse waxaa uu Magacaabey Lataliyaha Madaxweynaha Arimaha Dadka laheyb-sooco, Wasiir kuxigeen iyo sidoo kale Guddida ka soo talo bixinta kaqeybgalka siyaasada ee dadka laheyb-sooco, waxaa iyaduna xusid mudan in wasiirka wasaarada maaliyadu isna 30 ardey wasaaradiisu ka bixiso Jaamacadaha dalka kuwaas oo dhamaantood ka soo jeeda bulshadan sidoo kalena dhameystay waxbarashada dugsiga sare ee sanadkan.

Kuma koobna intaas oo kaliyaata laakiin waxaa uu Madaxweynuhu shirka goolihiisa wasiirada markasta ku wargaliyaa in dadkaas mudnaan gaar ah la siiyo isagoo ajandaha shirka u raaciya iyadoo qoraal ah

Waxyaabo bandanna lagu wado in sanadkan 2012 insha Allah xukumadu qabato kuwaas oo aanan rabin inaan ka sii hordhaco,

Tallaabooyinka noocan ah ee xukumadu qaaday ayaa waxay sababeen in wafuud culus oo ka socota qurba joogta bulshadani yimaadaan dalka kuwaas oo si gaar gaar ah uula kulmay madaxda dalka kana wada hadleen mustaqbalka dalka iyo sida ay ka qurba joog ahaan u faraxtigalisay dardarta xukumada ee ku aadan bulshadan iyagoo balan qaaday iney soo maal gashan doonaan dalka,

Bishan gudaheedana imanayo maalgashade ka soo jeeda bulshadan kaas oo raba inuu shirkad weyn ka dhiso Somaliland

Waxaan laga indho qarsan Karin kaalimaha wax ku oolka ah ee ganacsatada iyo qeybaha kala duwan ee bulshada Somaliland ka qaataan taabo galinta iyo tayeynta nolosha bulshadan,

Saxaafada Somaliland ayaa iyadu ah mid markasta si waafi ah uuga hadasha xaaladaha nololeed ee bulshadan iyagoo si gaar ah mudnaanta u siiya sidii loo soo afjari lahaa arimaha jahligu sababey ee diinta iyo dadnimada meelna kaga jirin, ee lagula kici jiray bulshadan kuwaas oo saldhig uu u ahaa takoor,

Kasokow saxaafada iyo xukumada waxaa iyaguna kaalin wax ku ool ah ka ciyaara waxtarka bulshadan Abwaanada iyo qorayaasha kala ah Hadraawi, Axmed Awgeedi, Yusuf shaacir, Xassan Cabdi Madar, iwm

Dhalinyarada Somaliland ayaa iyaguna ah kuwo heegan uugu jira sare u qaadista bulshadan,

Ganacsatada dalka gaar ahaan Shirkada Dahab-shiil ayaa iyadu waxay liiska madaxda sare ku darsatay niman  aqoonyahanno ah kuwaas oo kamid ah madaxda uugu sarsaraysa Shirkada iyo waliba shaqaale hoosaad badan, intaasun kuma ee kee waxay dhaqaale badan galisay dhismaha Iskuulo tacliin tayo leh lagu baro bulshadan oo ku yaal magaalada hargeisa.

Shirkada Telsom ayaa iyaduna waxay bilkasta ku bixisaa 1000$ Madaariska Quba kuwaas oo lagu barro diinta Alle iyo Sunnada Rasuulka ardey aad u badan oo ka soo jeeda bulshada, dhaqalahan ayaa waxaa uu sannadkii noqonayaa 12000$,

Arimahan ayaa waxay daliil buuxa u yihiin sida ay Somaliland shicib iyo dawladba u doonayaan in loo dhayo nabarada dhibta dhaqan u gaysatay bulshadan,

Somaliland waa dalka kaliyaata ah ee sida dhabta ah uuga go,an tahay shacab iyo dawladba iney bulshadani xaqeeda siyaasadeed, tacliimeed hesho, waxaanan odhan karnaa marka dalalka somalidu degto loo eego ma jirto dal Somaliland lamid ah dhinaca kastaba.

Markaan sidan u hadlaayo ujeedadaydu maaha inaan cid gaar ah u jeedo laakiin waxaa mihiim ah inaan cidkasta oo ka warla Somaliland ku wargaliyo waxay tahay iyo sida ay uula dhaqanto bulshadan,

Ugu danbeyntiina waxaan kula dardaarmayaa dhamaan waxgaradka, cuqaasha, culimada, salaadiinta, boqorada, iyo aqoonyahanka bulshadan oo ah bulsho degan dunida daafaheeda gude iyo dibadba iney ka feejignaadaan wixii wax u dhimaya sharaftooda isla markaana iska horkeena iyaga iyo wallaalahooda reer Somaliland,

Waxaa ayaan darro weyn aan u arkaa in dad magaceena huwan ka qeybgalaan shirarka beelaysan ee balaayada Somaliland lagu babinayo

Waxaana mihiim ah kuwa cabshada iyo calaacalka wadaa markasta isha caafimaadka qabta wax ku eegaan, Somaliland na cadow badan ayey leedahay ee yeynaan cagaha u qabanee dhinaceena aynu ka qaadano dhisida iyo taabo galinta haykalka dawladnimo ee Somaliland.

Dalka inagaa leh oo cid inaga sheeganaysaa ma jirto

Xuquuqdeenuna maaha mid intan oo kaliyaata ah ee wax kabadan ayeynu leenahay laakiin tayar ayaa ta weyn lagu gaadhaa nimanka raba iney meelkale inoo raraana waxaan leeyahay Somaliland anaga leh ee idinku bal waxaad ku haysaan meelaha aad joogtaan sheega?

Lataliyaha Madaxweynaha Arimaha Dadka Laheyb-sooco

Barkhad Jama Hirsi

• No Related Post

Deeq Raashinka ah oo ay ugu talo galeen qaar ka mid ah dadka tabaalaysan ee ku noo Somaliland gaar ahaan hargeisa ayaa waxay ka koobnayd bariis, daqiiq, sonkor & salid loo qaybiyey 8 qoys oo ka mid ah dadka tabaalaysan runtii maah markii ugu horeysay ee ay deeqo noocan oo kala ah  ay soo gaadhsiiyaan dadkaasi tabaalaysan ururka HILDO.

Sidoo kale HILDO waxay gacanta ku hayaan 20 qoys oo ah dad agoona isla markaasina haysta caruur agoon ah kuwaasi oo ay bil kasta siiyaan qoys kii kastaba lacag dhan $ 50 Dollar taasi oo ay ugu talo galeen in dadkaasi bill ka dhigtaan.

Ururkan oo saldhigiisu yahay dalka Sweden ayaa waxaa ku bahoobey dhalinyaro fara badan kuwaas oo heegan uugu jira markasta iney caawiyaan dadka danyarta ah ee ku kala sugan deegaanada dayacan.

Deeqdan Raashinka ah oo loo soo igmaday qeybinteeda Odey katirsan odayaasha uugu miisaanka iyo muuqaalka culus Magaalada Hargeisa gaar ahaan xaafada Daami Magaciisana la idhaahdo Xussein Cilmi Madar oo ku magac dheer Raan. ayaa waxaa dadkii tabaaleysnaa loogu qeybiyey si degan.

Runtii  waa wax ALLah loogu mahad naqo, agoonta  oo markii ugu horeysay ka bilaabmantay laba qoys hada sii cagacagaynaysa 20 qoys sanadkastana ay ku biirayaan tiro kale.

• No Related Post

xaflad ay soo qaban qaabisay Akademiga Horumarka iyo Waxbarashada dadka laheyb-sooco isla markaana si heer sare ah loo soo agaasimay ayaa xalay lagu qabtey Hotel Mansoor ee Magaalada Hargeisa,

Xafladana ayaa waxaa ka soo qeyb galay madax aad u tiro badan oo uu hogaaminayey Madaxweyne Xigeenka Somalliland Mudane: A/raxmaan Saylici iyo sidoo kale Wasiirka Duulista, Lataliyaha Madaxweynaha ee Arimaha Dadka Laheyb-sooco, Gudoomiyaha Haayada Wadooyinka, Agaasimaha Wasaarada Arimaha Bulshada iyo Qoyska, Maareeyaha Madbacada, Boqoro, Salaadiin, Cuqaal iyo waliba dhalinyaro aad u tiro badan.

xafladan ayaa waxaa lagu soo bandhigay daraasad ka hadlaysa Horumarka ay ka sameeyeen beelaha laheyb-sooco dhinacyada Waxbarashada, Dhaqaalaha, Siyaasada, iyo waliba sidoo kale is dhexgalka Bulshada,

waxaa haddaba ugu horeyntiiba Madasha ka hadlay Gudoomiyaha Akademigaas Mudane: Hussein Ibrahim Hassam waxaanu si qurux badan uuga waramay is badal la taaban karaye muuqata ee ay sameeyeen dadkani waxaanu si gaar ah farta uugu fiiqay horumarka ay ka sameeyeen dhinaca waxbarashada isagoo ku amaaney dhalinyaradu iney yihiin kuwo wax badan fahmay is badal dhab ahna sameeyey, waxaanu Gudoomihihu ka hadlay sida uu u soo dabar go,ayo dhaqankii foosha xumaa ee sababey takoorka isagoo ka marag kacay shayga kaliyaate lagaga bixi karaa inuu yahay aqoonta oo barashadeeda xooga la saaro.

Boqor Axmed iyo Suldaan Daakir iyagaa iyaguna dhinacooda ka hadlay is badalka muuqda ee ay sameeyeen dadka ay masuulka ka yihiin, waxaanay labada masuul madasha ka sheegeen waxqabadkii xukumada siilanyo ee dadka laheyb-sooco iyagoo sheegay iney xukumada siilaanyo sameysay waxaan xukumadihii ka horeeyey  u sameyn dadkan, waxaanay si gaar ah u sheegeen shaqaalaha dawlada in loogu daray ku dhawaad 80qof iyo waliba sidoo kale iyagoo jaamacadahana ay ka bixisay 30 ardey, sidoo kalena u sameysay lataliye  gaar u ah Arimahooda.

Dhinaca kalena waxaa isna madasha ka hadlay Lataliyaha Madaxweynaha Barkhad Jama Hirsi oo si waafiya isna uuga hadlay waxqabadka xukumada siilaanyo ee dadka laheyb-sooco isagoo dhinaca kalena sheegay iney waxbadani maqan yihiin, laakiin talaabada yar ta weyn lagu gaadhi doono. waxaanu si gaar ah uugu mahadnaqay qurba joogta beelaha gabooye isagoo ku amaaney dadaalkooda ay umada u hayaan.

Barkhad ayaa waxaa uu hore u ahaa gudoomiyaha Akademiga hawsha aday. dhinca kalena waxaa iyaguna madasha ka hadlay Gudoomiyaha Xuquuqul Insanka Qaranka,

iyo Wasiirka Duulista somaliland, waxaanay labada masuulba aad u soo dhaweeyeen is badalka muuqda ee quruxda badan iyagoo si gaar ahna Alle uugu baryey in wax dhimani dhameystirmi doonaan,ugu danbeyntiina waxaa Madasha ka hadlay Madaxweyne xigeenka Somaliland Mudane: Saylici isagoo shahaado Sharafyo gudoonsiiyey Sadax masuul oo xukumada ka tirsan, shahaado sharafyadan ayaa waxaa soo diyaarisay Akademiga iyadoo si gaar ah uugu maamustey Masuuliyiinta kala ah Lataliyaha Madaxweynaha Barkhad Jama Hirsi oo hore u ahaa Gudoomiyaha Akademiga uguna maamuuseen dadaalkiisii dheera intii uu xilka Akademiga hayey iyo waliba mansabka siyaasada uu ka gaadhey, Masuuliyiinta kale ayaa iyaguna kala ahaa Xassan Cabdi Madar oo ah Agaasimaha Madaxtooyada Somaliland oo qoray Buuga Hiil oo ka hadlaaya Waayaha Dadka Laheyb-sooco iyo Liban Ismacil Max.ud oo ah Gudoomiye xigeenka Komishanka Xuquuqul Aadamaha, horena u ahaa shaqsi u dhaqa dhaqaaqa xuquuqda dadka laheyb-sco,

ugu danbeyntiin waxaa uu Madaxweyne ku xigeenka ka hadlay sida xukumadiisa ay uuga go,an tahay wax qabadka dadka laheyb-sooco isagoo sheegay iney farax weyn u tahay inuu caawo arko dad ka madanaqa waxa loo qabtey isagoo kaftamaaya ayaa waxaa uu yidhi: Dadka qaar oo wax badan xukumadu siiyey haddii ay tahay xaqooda siyaasiga ah iyo haddii ay tahay hagaajinta deegaanadooda ayaan mahadnaq laga heyn iyagoo cabanaaya mooyaane, waxaanan aad uugu farxay yadoo wax la idin qabtayba koban yahay inaad noo mahadnaqdaan. Madaxweyne xigeenka ayaa balan qaaday inuu sida uugu dhaqso badan ay qaban doonaan wax dhiman haddii Alle idmo.

• No Related Post

Suldaan Daakri Xassan Khaliif oo kamid ah Salaadiinta Somaliland ayaa shir jaraa,id oo uu maanta ku qabtey aqalkiisa isla markaana kula hadlaayey qeybaha saxaafada Somaliland ayaa waxaa uu si adag uuga hadlay arinta in dhaweydba soo noqnoqoneysay ee ka aloosan deegaanka ceel bardaale,

Suldaanka ayaa waxaa uu hadalkiisa ku bilaabey aayada 93 ee suratul nisaa

Taas oo sharxaysa islaamka iyo sida uu u xaaraantimeeyey dhiiga muslimka, Suldaanka ayaa waxaa uu si faah-faahsan uuga hadlay diinta islaamka iyo sida ay u ilaalisay dhiiga qofka muslimka ah isagoo soo daliishanayey aayado qur,aan ah iyo axaadiista nabiga scw,

Sudlaanka ayaa waxaa isagoo hadalkiisa sii wata uu yidhi:

Marka hore waxaan aad iyo aad uuga xumahay ficilka foosha xun ee ka dhacay deegaanka ceel bardaale iyo dilka loo gaysta marxuumiinta geeriyooday garabka dhibtu ku dhacdayna waxaan leeyahay walaalayaal waanu idin murugeysannahay idinka oo kaliya  maaha dhib idinku gaar ah ee waa mid ay idinla wada wadaagaan dhamaan bulshada Somaliland meelkasta oo daafaha dunida ay ka joogaan gaar ahaan waa mid aanu hogaan ahaan aad uuga xunnahay waxaanan leeyahay waa boog soo gaadhay shacbiga Somaliland insha Allahna waxaan rajeynayaa iney sida uugu dhakhsimaha badan u dawoobi doonto, waxaanan idin leeyahay jawaab celin ha sameynina oo ficil kaas la mid ah yaanu dhankiina ka iman xumaan, xumaan, laguma xaliyo ee waxaad sugtaan ergooyinka, iyo dawlada intey sida uugu dhakhsaha badan wax uuga qabanayaan,  waanad ka warqabtaan sida madaxda dalku uuga xumaatey arinkaas muxaafid iyo mucaaridba waxaana daliil u ah dareenka Madaxweynaha ee ku wajahan dhacdadan iyo dabcan bulshada Somaliland oo aad iyo aad uuga wada murugeysan. Waxaanan aad iyo aad uugu diirsaday jawaabaha ka soo jeedhaya qeybaha kala duwan ee qaranka Somaliland ee ku wajahan dhacdadan.

Waxaan dhamaan ka codsanayaa waxgaradka, cuqaasha, salaadiinta, culimada, siyaasiyiinta, ganacsatada, dhalinyarada, haweenka, iyo cidkasta oo reer Somaliland ah iney kaalinteeda ka qaadato xalinta dhibta hadda taagan.

Suldaanka ayaa waxaa sidoo kale uu ka hadlay dadaalka wasaarada arimaha gudaha Somaliland iyo heeganka wasiirka arimaha gudaha ee ku wajahan xalinta khilaafka arimaha bulshada dhexdooda isagoo tusaale u soo qaatey heshiishkii dhawaan ka dhacay magaalada ceerigaabo kaas oo lagu soo afjaray falqalalaasihii ka dhacay magaaladaas ee u dhaxeeyey labada beelood ee wada dega deegaankaas taas oo wasiirka arimaha guduhu si dhameystirin uuga qeybqaatey, waxaanu suldaanku yidhi waa shaqsiyad raganimo badan oo Alle swc ku galadeystay maamul wanaag iyo dadaal badni waxaanan filayaa inuu sidii ceerigaabo Alle uugu guuleeyey tanna uu uugu guuleyndoono Insha Allah.

Ugu danbeyntiina waxaa uu suldaan daakir baaq dheer u diray salaadiinta Somaliland oo uu kula dardaarmey in ay sida uugu dhakhsiyaha badan isugu yimaadaan oo ay u diyaar garoobaan xalinta khilaafka hadda ka aloosan ceel bardaale oo aaney sugin iney dawladi dirto iyo iney cid kale dirto laakiin iyagu ay is xilqaamaan oo ay doorkooda saldanadeed gartaan, sidoo kalena waxaa uu suldaanku carabka ku adkeeyey in la helo culimada iyo abwaanada kuwaas oo si mug leh uuga qeyb qaadan karo hawsha hadda taagan.

Haddalka suldaanka ayaa waxaa uu ku soo beegmayaa wakhti aad loogu baahan yahay in wax laga qabto mashaqada ka aloosan ceel bardaale iyo colaada soo noqnoqoneysa ee u dhaxaysa dadka wallaalaha ah.

Lama garan karo sida uu xaalku noqon doono laakiin waxaa muuqda dadaal aad u badan oo xukumada iyo shacbigu uugu jiraan sidii looga hortagi lahaa aafo kale oo lamid ah tii hore u dhacday iyo sidii loo heli lahaa heshiish buuxa oo u dhaxeeya dadka wallaalaha ah.

Dulman.com

• No Related Post

Waa yaabe ka feker keligaa maxaad isaga saraysiinaysaa? maxay se kaaga duwanyihiin ?????????????

Kusoo dhwaada Gabeygii

Suugaantu dhaxal weeye
Ab abkiisa laga dhawro
Waayihiisa laga dheehdo
Madi weeye dhawr deeqda
Murtimaal haltebey dhiijo
Balli iyo kal dheer weeye
Ninba kalaxyadii dhaansho
Dhabab sogordoh weeyaane
Aniguna dhugsiinteeda
Dhamideedba soomaali
Duqay iyo dhalaankeedba
Intay haybta dhawrayso
Reer hebel ku dhololayso
Dadka kala dhawaynayso
Gabooyaha dhan gaynayso
Midgaan dhalashadood haysta
Dhigood aanay moodaynin
Waa yibire dhaaf joogto
Takoor kula dhaqaaqayso

Dhaantada ma daynaayo
Samuhuna dhadhami maayo
Calool xumo dhammaan mayso
Bilicduna dhisnaanmayso
Dawladnimo dhanbaa xiiran
Ratigiina waa dheeli
Diintuna dhamays maaha
Dunidana qabraa dhaama
Noloshana dhimaa roone
Nafta hawga dhigin raaxo.

Aga Aga imaqal dhaadan
Maxaa weli ku dhaandhaamay?
Kaa dhexsoocay dumaroo dhan?
Waaqlada ku dhigay Eegan ?
Ma furtaa lagaa dhuugay?
Kuma dayn war dhiileede
Quruxdii lagaa dhaarshay
Baldhegayso hoogeeda
Maantana dhulkay joogto.

Af u dhece mid jaanjaaman
Xumahana u dhaanteeya
Xigto kala dhex dhigay dayro
Shaan shaan ku kala dhaafay
Xeer iyo xakame dhiibay
Dulmi oo yas ruux dhigaya
Dhugatana la saaxiib ah
Dhabbo cudur la qaynshaarta
Dhaayaha wax ka arkaynin
Oo dhego la’ bay raacday !!!!!!

Kuna yidhi dunjiga dhaafso
Dhaqan haybtu jaangoyso
dhasiisuna guhaad weeye
dhagar iyo dir sooc weeye
laan dheere faan weeye
dadna dhaxal xasaradiisa
dhalanteed ku naaloode
dhabta nolosha garanwaaye
dhibaatadana dayn waaye

hadba qolada loo dhaarto
ama dhumay xaquu yeeshay
adaa saara dhinacaaye
hadaan dulucda kuu dhiijo
Waxa dhaliyey hawraarta
Tixda gabay dhawaaqeeda
Lax dhukani Abaar mooga
Bulshadaa ka dhigan maanta

Hadii dhacanta oosheenu
Garbo siman dhulka utaalo
Ajigiyo midgaha dhooban
Derisyahay is wada dhaadan
Dhalaankoodu wada joogo
Dhuunigii alle u qoolay
Midna qurub yar dhaafsiisan
Darka dhaanku wada joogo
Siman dhaqasho loo doono

Dadku siman dhamaantiiye
Gabooyaha maxaa dhiisha
Dhunkaal loogu weeleeyey??!!.

Haduu diirka dhabankeena
Midabkiyo dhalaalkeena
Dhumucdiyo laftiyo jiidhka
dhererkiyo niskiyo guudka
Simanahay dhegtiyo nuurka

Doofaarba garay dhawro
Intaad dheeh wadaagtaane

Dadku siman dhamaantiiye
Gabooyaha maxaa dhiisha
Dhunkaal loogu weeleeyey??!!

Hadii erey dhawaaqeena
Dhaqankiyo hidaha suuban
Asalkiyo dunjiga hoose
Dhaadhaca dirkii Aabe
Dharka iyo hugii hooyo
Boqorkiyo dhaclaha guudka
Dhixirkiyo gar dhaalaa san
Sadex qaydka lagu dhaato
Lahjadiyo dhigaalkeeda
Magta boqolka loo dhaafay
Umadnahay ka siman dhiiga

hadaan dhagax la korinaynin
Runta laga dhaqaaqaynin
Dacar malab la dhihin weeye

Dadku siman dhamaantiiye
Gabooyaha maxaa dhiisha
Dhunkaal loogu weeleeyey??!!

Hadaan dhaqanka diinteena
Kutubkiyo sunaha dhiibsan
Dhamidii waxyiga Eebe
Iyo nebiga dhawrsoonba  (s.c.w.s)
Kudhawaaqin haybsooca

Dheg hadaan la awdaynin
Isha loo dhigayn hoosta
Dhayal diinta loo leexin
Xume iyo dhib laga saadsan
Sax baraawe loo dhaamin
Dheefna naar la doonaynin

Dadku siman dhamaantiiye
Gabooyaha maxaa dhiisha
Dhunkaal loogu weeleeyey??!!

Nin badiyey dhammow hadalka
Ma dhamayn duxdiisiiye
Dadku dhoomi qudha weeye
Diir iyo ul dhebi weeye
Udub iyo dhig siman weeye
Waa midigta bidix dhaada
Jirid xidid ku dhisan weeye
Hooyiyo dhalaan weeye
Dheri iyo dabool weeye
Dhashii aadan weeyaane

dhayalsiga tumaal ooday
waa godob tol loo dhafay
iyo dhaawac kugu yaale
takoorkiyo dheg xume sheega
Hala dhaafo kala qoolka

wabilaahi tawfiiq

xalleef55@hotmail.com Burco  somaliland

• No Related Post

Akademiga Horumarka iyo Waxbarashada Dadka Laheyb-sooco ayaa shir balaadhan oo ay iskugu yimaadeen dhamaan xubnaha Akademiga lagu doortey Gudoomiye Cusub kadib markii Gudoomiyihii hore ee Akademigaasi si rasmi ah xilkii Gudoomiyenimo iskaga casilay,

Is casilaada Gudoomiyihii hore ee Akademiga ayaa waxa ay timid kadib markii loo magacaabay mansab dawliya kaas oo ah Lataliyaha Madaxweyanaha ee Arimaha Bulshada Laheyb-sooco taas oo keentay inuu isku wadi kari waayo labada shaqo.

Haddaba waxaa cod aqlabiyad ah lagu doortey Gudoomiyaha cusub ee Akademigaas Mudane: Hussein Ibrahim Hassan oo hore u ahaan jiray Isu duwaha Barnaamijyada Akademiga, doorashadan oo ka dhacday xarunta guud ee Akademiga ee Magaalada Hargeisa ayaa waxaa goob joog ka ahaa xubnaha akademiga oo dhan waxaanay u dhacday si cadaan ah oo aanu madmadow ku jirin. Markii doorashadu dhacaysay ayaa waxaa isna madasha goob-joog ka ahaa Gudoomiyihii hore ee Akademiga Mudane: Barkhad Jama Hirsi oo hadda ah Lataliyaha Madaxweynaha Somaliland, waxaanu si rasmi ah uugu wareejiyey xilkii gudoomiyenimo gudoomiyaha cusub isagoo halkaasna ka soo jeediyey hadalo ku saab-san wixii u qabsoomay Akademiga iyo waxa dhiman ee la rabo in la buuxiyo waxaanu si gaar ah uugu mahad celiyey Alle swc oo u fudeydiyey wax badan oo u qabsoomay Akademiyo iyo dhamaan xubanaha Akademiga isagoo ku amaaney mudadii xilka uu hayey siday uula shaqeeyeen waxaanu kula dardaarmay ugu danbeyntii iney sidii ay uula shaqeyn jireen uula shaqeeyaan gudoomiyaha cusub ugu danbeyntiina waxaa uu ku wareejiyey dhamaan dhukumantiskii Akademiga.

Dhinaca kale waxaa isaguna hadal kooban madasha ka soo jeediyey Gudoomiyaha cusub Mudane: Hussein Ibrahim Hassan waxaanu marka hore u mahad celiyey Alle scw iyo dhamaan xubanaha Akademiga, Gudoomiye Hussein ayaa waxaa uu aad iyo aad u amaaney Gudoomiyihii hore oo hadda ah lataliyaha Madaxweynaha isagoo ku tilmaamay shaqsiyad dadaal badan oo daacad ah tusaale fiicanna u ah dhamaan dhalinyarada Somaliland gaar ahaan xubnaha Akademiga waxaanu si gaar ah madasha uugu xusay guulihii u waaweynaa ee uu qabtey gudoomiyihii hore intii uu xilka hayey kuwaas oo uu sheegay inaaney aheyn kuwo halkan lagu soo koobi karro laakiin ay taariikhdu xusi doonto wax lama ilaawaan ah oo aan duugoobeyninna umada uu u qabtey haddana lagu rajo weyn yahay isagoo masuul qaran ah inuu intii wax kabadan qabto Isha Allah.

Ugu danbeyntiina gudoomiyaha cusub ee Akademiga ayaa dhinaciisa balan qaaday inuu si daacad iyo dadaal dheeri ka muuqdo u shaqan doono.

Ugu danbeyntiina munaasibadan ayaa waxay ku dhamaatey si qurux iyo qiimo leh.

Xafiiska warbaahinta Akademiga.

• No Related Post

Waa umad cay guhaad iyo gafakaloo badanba lagula kacay gabaygan oo sidaan kor ku sheegay ka waramaaya dhibrta lagu hayo umadda la guhaadsho, waxa uu xusayaa haldoorkii umadda ee hore iyo kuwa maanta gaar ahaan dhanka gabayga kuwa ku caan baxay , waa gabay waxbadan ina dareen siinaaya isla markaasna ka waramaaya xaqiiqada jirta iyo hagardaamada lagu hayo umadda la halgaado.

Waxaanu yidhi:

1. Cir godladay gudgude soo onkoday dirir guyoo hooray
2. Mayay gaaxday gufaaciyo qayood gaydhe iyo foore
3. Fad galbeedka guurguurayoo galalac nuuraaya
4. Guulaamo roob soo kiciyo maayad garab joogta
5. Qorraxdoo shinkeedii galiyo godadka nawriishka
6. Danab guday gantaalaha sunta ah gabaygu weeyaane
7. Salaanbaa ku gaamuray murtida gacanna loo taagye
8. Ninka gabayo ciilkood tirshoow waad ilaab garane
9. Mar haddaan girgeydhkii tixdana galabta soo joojay
10. Galowga iyo fiintaa ka kici geed labkoo idile
11. Nin garaad lehbaa laga xushaa goob la dhiidhiyo e
12. Ragna geesibuu leeyihiyo hebed la gooyaaye
13. Sayidkii col guubaabiyee galiyay duulaanka
14. Raagihii gammaankiyo fardaha luuqda garansiiyey
15. Cal dhuuxii guba weerarkiyo gulufku heenseeyey
16. Ismaaciilkii guuguulihiyo guga la haasaaway
17. Godkii maxamed nuur fadal galaan cidina gaadhayne
18. Gabyaaye iyo cali jaamicii geesinimo sheegtay
19. Garba wayntii feedhoole iyo guutadii caynab
20. Gadh castii gammuutiyo qammaan guud caddiyo yawle
21. Guubaabshihii saahid iyo gabannadii raacay
22. Guddidii afmaalkiyo raggaan laga gayoonaynin
23. Godka lagu jannee iyo intii gobol ka sii muuqdo
24. Alloow yaa raggii gaasabaxay goob isugu keena
25. Alloow yaa wuxuu gocanayiyo gabay ka soo qaada
26. Qaasinbaan garoocdiyo aqoon geed isugu beege
27. Xalleefbaa ku guurayn jiriyo gun iyo baar eege
28. Faytibaa gartiisana yaqaan loo golayn jiraye
29. Ina nuurkii geed loo sudhuu guunyadiis yahaye
30. Gacma dheere goof iyo cilmiyo guulwadiyo muuse
31. Xaajigii guhaantiyo lahaa maxamed guuleedba
32. Geeraarshihii daalinbaan gooruun tebayaaye
33. Ina godane geydh iyo libaax garab salaaxayga
34. Gamuumaale guray faarax iyo geelle iyo qaaje
35. Garqaniinyo gaaggaale iyo kumankii geeryooday
36. Kuman gaannan kuman geesiyo ah Kuman gadaahiiba
37. Iyo kuman kaloo gabay xaddi leh iyo galaydh miidhan
38. Kumanaan gundhiddin miidhaniyo guure iyo huube
39. Gama’diid iyo dhoodaanba waa noocad gooniyahe
40. Guddidii afmaalkiyo raggaan laga gayoonaynin
41. Godka lagu jannee iyo intii gobol ka sii muuqdo
42. Alloow yaa raggii gaasabaxay goob isugu keena#
43. Alloow yaa wuxuu gocanayiyo gabay ka soo qaada
44. Garbo duubka wuu diidi jiraya geesi dhiiraniye
45. Gaashaanka wuu qaadan jirey goob la yuururo e
46. Gobonimadan iyo timacaddii libi ku geeraaray
47. Xaajigii guyaal iyo guyaal meel walba u gooshay
48. Xasan ganayo guurtida culculus gaarriyiyo aadan
49. Gadhle iyo hadraawi iyo qays gacalka suugaanta
50. Gaanniyo arbii caligeriyo geeddi iyo yuusuf
51. Gargaar iyo gadh yare iyo hurriyo gole ka fuulkoodhan
52. Gabyow iyo waraabiyo amiin goohyadii bacadle
53. Yamyam iyo garaad xaaji iyo galayaxoow soofe
54. Guddidii afmaalkiyo raggaan laga gayoonaynin
55. Godka lagu jannee iyo intii gobol ka sii muuqdo
56. Alloow yaa raggii gaasabaxay goob isugu keena
57. Alloow yaa wuxuu gocanayiyo gabay ka soo qaada
58. Garcadaawihii ina xuseen garanmawaayeene
59. Gabooyuhu raggiisii malaa waanu garanayne
60. Geel jire ushuu goostaybuu goobayaa waliye
61. Guri nabad ahbaa lagu gam’aa waa guduutaba e
62. Ummaddaad guhaad kula kacdeen way gabbanayaane
63. Inkastoo gumaystuhu ka kacay guushii may heline
64. Garawshiiyo looguma hanbayn garab la’aantiiye
65. Geed joog gartii waa yaqaan godob la’aaneede
66. Iyagaa ka gaabsaday halkay guban lahaayeene
67. Gardarrada yagaan kaba gilgilan gooru yaalayle
68. Imikayse geesiyo kaceen lagu gam’aayaaye
69. Gumaysiga haddaa laga bixiyo dhiisha gorofkaaye
70. Ayax iyo garnayl uur gubiyo gudiyo aw geeddi
71. Guddidii afmaalkiyo raggaan laga gayoonaynin
72. Godka lagu jannee iyo intii gobol ka sii muuqdo
73. Alloow yaa raggii gaasabaxay goob isugu keena
74. Alloow yaa wuxuu gocanayiyo gabay ka soo qaada
75. Godobtooda maqanbay maruun daba galaayaane
76. Gallad eebahay siiyayoo gaar ah bay heliye
77. Gurrac iyo bakhtina idinka dheer guullahay marage
78. Inta gaan lakala ootay baa goosan noqoteene
79. Gobol qudha yagaan kaga tageen gaajadaa darane
80. Hadday idinku gaar yeelayaan geeri loo simane
81. Godka aakhiraan buuxsamayn oo la galyaaye
82. Allaylehe gefkaa idin qabsaday gaaladaa naxaye
83. Gurigaan haween joogin waa ceelki soo gudhaye
84. Hablahaa gabooyuhu dhalaan gaadanahayaaye
85. Goonbaarta waa laga tagaa goobay joogtaba e
86. Naagtii gidaar taaganbaan guurba kuu qabane
87. Gabadh reer dhalaa lala sugaa gaaxda kugu taale
88. Gomosh lama xantoobsado haddaa gabow ku iimayne
89. Waxa gaari lagu diidan yahay waanan garanayne
90. Waxbase arartu yey ila gudbine waxan ku soo gooyay
91. Ninka gudinta ii jarahayee timaha ii gaabshey
92. Ee guriga ii oodayee ii gundhiyey jaanta
93. Bal maxaan gumaysiga u badi waa garaad xumo e
94. Oo maan ka guursado habluhu waaba gacalkaye

curiye : C.raxmaan Maxamed Cali (ubaxle )

• No Related Post

Waxaa dhambaal hambalyo ah na soo gaadhsiiyey masuuliyiinta qaybaha kala duwan ee bulshada ku dhaqan magaalada hargeysa iyo guud ahaan Somaliland

Masuuliyiinta war-saxaafadeedkani hambalyada ah na soo gaadhsiiyey waxaa kamid ah

Suldaan daakir xasan khaliif oo kamid ah salaadinta qiimaha badan ee Somaliland

Guddoomiyaha qurba jooga beelaha gabooye mudane Rashiid c/laahi gaas

C/raxmaan axmed shube oo isna kamid ah qurba jooga beelaha gabooye

Axmed gurey bootaan oo isna kamid ah qurba jooga beelaha gabooye

Khaddar nadiif maxamed aaqoonyahan

Najax maxamed siciid aqoonyahan

Guddoomiiyaha xaafada daami jaamac khaddar c/laahi

C/raxmaan yuusuf aadan (buskut)

Dhamaan masuuliyiintani waxay hambalyo iyo duco u dirayaan guddoomiyaha cusub ee ACADEMY-ga ADEM mudane Husein Ibrahim Hasan

Waxaanay leeyihiin waxaanu illaahay kaaga baryeynaa in xilkaasi kuu fududeeyo, waxaanan kugula dardaarmaynaa inaad guntiga dhiisha isaga dhigto,

Halkaasna aad ka sii wado horumarinta bulshada aad hormuudka u tihiin

Guud ahaan xubnaha Acadey-ga aadana waxaanu leenahay waxaad horseed ka noqoteen xaqiijinta himilada umada aad u soo baxdeen waana in aad la shaqaysaan halkaasna aad ka sii wadaan wada shaqayntii iyo guulihi aad ku soo hoyseen ILLAAHAYNA hadin ku guuleeyo

• No Related Post

17/11/2011 Sulddaan daakir xasan khaliif oo kamid ah salaadiinta waaweyn ee Somaliland ayaa maanta deeq raashin ah soo gaadhsiiyey qaar kamid ah dadka danyarta ah ee degan xaafada daami ee magaalada hargeysa

Deeqdani oo lagu qaybiyey xarunta dugsiga waxbarashada ee academy-ga ADEM

Isla markaana dhamayd 60 kiish oo bariis ah ayaa la  gaadhsiiyey 120 qoys oo dan yar ah oo degan xaafada daami ee magaalada hargeysa

Waxaana ugu horayntii halkaasi ka hadlay suldaan daakir xasan oo ka waramay cida deeqdani ku soo hagaajisay, isagoo suldaanku sheegay in ay deeqdani soo gaadhsiiyeen dad muslimiin ah oo ku dhaqan dalkaasi Singapore

Waxaanu suldaanku ku dheeraaday sida deeqdani ay tahay mid wax weyn ka taraysa baahida dadka danyarta ah ee u baahan in la gargaaro, sikastaba ha ahaatee maaha markii ugu horaysay ee suldaan daakir xasan khaliif ka shaqeeyo arimaha lagu gar-gaarayo dadka danyarta ee ku dhaqan Somaliland

Waxaa kale oo halkaasi ka hadlay guddoomiyaha xaafada daami mudane jaamac khaddar c/laahi waxaana hadaladiisii ka mid ahaa,

waxaan ugu horayntii u mahad-naqayaa dadka walaalaha muslimiinta ah ee deeqdani na soo gaadhsiiyey waxaanan leeyahay reer Singapore walaalayaal taariikhda dadka deegaankani waydin xusi doontaa waxaanan illaahay idiinka rajaynayaa in uu misaanka xasanaadka idiin saaro, waxaa kale oo aan si gaara ugu mahad-naqayaa suldaan daakir oo ah suldaan si weyn uga war haya bulshada deegaankan

• No Related Post

Raashin isugu jira Bariis, Daqiiq, Sonkor iyo waliba saliid ayaa waxaa saaka subaxdii hore loogu qeybiyey Xarunta dhexe ee Akademiga horumarka iyo waxbarashada dadka laheyb-sooc dadkan oo tiradoodu dhan tahay 250 qoys kuwaas oo isugu jira Agoomo iyo dadka danyarta ah ee degan xaafada daami ee magaalada hargiesa,

deeqdan raashinka ah oo ay qeybintiisa iska laheyd haayada SdwO  ayaa waxaa goobjoog ka ahaa xubno ka socda dawlada, dadweynahay xaafada, Maamulka Akademiga, Guddida horumarinta xaafada, iyo waliba sidoo kale wakiilka Sdwo ee Magaalada hargiesa Mudane: Hassan Waraabe Cade.

waxaa haddaba ugu horeyntii madasha ka hadley G/xigeenka Komishanka xuquuqul Aadamaha Qaranka Somaliland Mudane: Liibaan Ismacil Max,ud kaas oo ka waramay qiimaha ay leedahay waxtarka dadka danyarta ah iyo waliba diinteena islaamka sida ay uuga hadashay, liiban ayaa waxaa uu si gaar ah u amaaney Haayada SdwO oo uu sheegay iney tahay haayad aad iyo aad uugu shaqeysa arimaha samafalka isagoo si gaar ah uugu mahadnaqey Gudoomiyaha Haayada Mudane: Guiled Abdi Sheikh.

dhinaca kale waxaa isaguna madasha ka hadley Agaasimaha waaxda arimaha bulshada ee dawlada hoose Mudane: Khadar Cismaan waxaanu agaasimuhu u mahadnaqey dhamaan dadweynaha xaafada oo uu ku amaaney ilaalinta anshaxa iyo qadarinta dadka wax u keena isagoo kula dardaarmey iney qurba joogta xaafadan daami iyo dadkeedu u diyaargaroobaan dhisida wadada xaafada oo uu sheegay iney dhawaan bilaabeyso dawlada hoose oo la kaashaneysa Akademiga horumarka iyo Waxbarashada dadka laheyb-sooco isagoo ku tilmaamey dhalinyaro geesiyo ah oo dadkooda u kacay kaalin banaaneydna buuxiyey ugu danbeyntiina waxaa uu agaasimuhu mahadnaq u soo jeediyey haayada sdwo iyo xafiiska samafalka madaxtooyada somaliland.

waxaa iyaguna dhinaca kale madasha ka hadlay qaar kamid ah Maao mulka sare ee Akademiga iyo Guddida xaafada waxaaney u mahadcelyeen haayadas sdwo iyo maamulkeeda.

Hassan waraabe cadde oo ah ruug cadaa caan ku ah bahda ciyaaraha somaliland isla markaana ah wakiilka haayada sdwo ayaa waxaa isuguna madasha ka soo jeediyey hadal kooban iyo fariin uu ka siday Gudoomiyaha Haayada sdwo Mudane: Guiled Abdi Sheikh fariinta oo aheyd mid qoraal ah ayaa waxaa uu hassan yidhi: waxaan anigu idin soo gudbinayaa fariin aan ka sido Gudoomiyahaga waxaanay tahay Haayada sdwiio waxaa markasta ka go,an u adeega dadkeeda, dalkeeda, iyo diinteeda, waxaanu wallaalayaal markasta diyaar idinla nahay u adeega dadka danyarta ah,

waxaan dhamaan umada islaamka ee caalamka daafaheed joogta ka codsaneynaa iney ka soo qeybqaataan waxtarka dadka tabaaleysan, deeqdanna waxay idinka timid wallaalaha islaamka ah ee jooga dalka france waxaanan leenahay waad ku mahadsan tihiinz

ugu danbeyntiina waxaa hadalka soo xidhay Agaasimaha Samafalka Madaxtooyada Somaliiland Marwo Aamina Max,ud Diiriye waxaaney si gaar ah uugu mahad celisay haayada sdwo, Akademiga ADEM oo xaruntiisa lagu qeybinaayo raashinka iyo sidoo kale dhamaan dadweynaha xaafada daami oo iyagu ah kuwo u bisil kala danbeynta iyo nidaamka.

marwo aamina ayaa waxa ay ku nuuxnuuxsatey waxqabadka xukumada siilaanyo waxaaney ka hadashay deeqda la geeyey dalka somaliya iyadoo ku tilmaamtey arin waajib aheyd oo somaliland ay ka soo baxday.

Marwo aamina ayaa waxa ugu danbeyntii baaq u dirtey dhamaan haayada dalka iyo dibadaba ka shaqeeya iyadoo ka codsatey iney sida haayada sdwo yeeshay oo kale yeelan.

qeybinta raashinkan ayaa waxay ku dhamaatey si deganaansho iyo rabash la,aan ah

Madaxa Xafiiska War_baahinta Akademiga

• No Related Post

Akademiga Horumarka iyo Waxbarashada Dadka Laheyb-sooco, Academy For Development and Education of Minorities ( ADEM) oo ay hindisidiisa iyo hirgalintiisa lahaayeen Ardey dhameystay waxbarashada Jaamacadaha isla markaana ka soo jeeda dadka laheyb-sooco ayaa waxaa uu horumar aad iyo aad u balaadhan ka sameeyey dhinacyada waxbarashada iyo la wacyigalinta la dagaalanka Takoor,

Akademiga ayaa waxaa uu sameeyey kulamo waaweyn oo lagula dagaalamayo Takoorka aan diinta iyo dadnimada meelna kaga jirin sidoo kalena waxaa uu ku geelaystay hirgalinta Iskuul ka kooban shan fasal oo lagu barto Qur,aanka, Tarbiyada islaamka ee Caruurta, Maadooyinka Inglishta, Somaliga, Xisaabta, Sayniska, Cilmiga Bulshada.

Haddaba waxaa iskuulkaas oo ku dhawaad 250 ardey dhigtaan qalab direys ah uugu deeqday  Haayada ODHA oo u taagan Office for Developmenta and Humaniterian Affairs ayaa waxay direyska waxbarashada uugu deeqday Dugsiga hoose ee dhexe Adam kaas oo si toos ah ay gacanta uugu hayso Akademiga Horumarka iyo Waxbarashada Dadka Laheyb-sooco ee (Adem), qalabkan ayaa waxaa uu ka koobnaa direys cadadkiisu dhan yahay 100 shay kaas oo isugu jira direyska wiilasha iyo gabdhaha,

xaflad aad u qiimo badan oo si heer sare ah loo soo agaasimey isla markaana ay ka soo qeybgaleen waalidka, Masuuliyiinta Haayada ODHA, Masuuliyiinta Haayada Akademiga Adem, Masuuliyiin ka socda dawlada ayaa lagu qabtey barxada iskuulka waxaana madasha ka hadlay ugu horeyn Maamulka iskuulka, iyo madaxda Akademiga u qaabilsan dhinaca waxbarashada waxaanay si aad u balaadhan uugu mahadceliyeen Maamulka sare ee haayada odha gaar ahaan gudoomiyaha haayadaasi Marwo faadumo siciid taas oo ay ku tilmaameen Halyeeyad u diyaar ah markasta u shaqeynta dadka iyo dalka waxaanay si gaar ah farta uugu fiiqeen dadaalka shaqsiyadeeda iyo haayadeeda ee ku wajahan arimaha samafalka dhinaca kalena waxaa iyaguna madasha uugu duceeyey qaar kamid ah waalidiinta oo ku hadlaayey magaca waalidiinta,

Ardeyda iskuulka ayaa waxa ay soo bandhigeen Nashiidooyin iyo qur’aan qurux badan oo soo jiitey dhamaan ka soo qeybgalayaasha xaflada halkaas oo ay dadka tuseen tayada waxbarasho ee iskuulkooda,

dugsigan ayaa waxaa uu furan yahay mudo dhan 7 bilood kaas oo ku furmay juhdi iyo dadaal dheer oo ay sameeyeen qaar kamid ah qurba joogta dadka laheyb-sooco isla markaana hormuud uu u ahaa Gudoomiyaha Jaaliyada dadka laheyb-sooco ee dalka Canada Aqoonyahah. Barkhad Xaaji Cabdi. tirada ardeyda iskuulka dhigata ayaa waxa ay dhan tahay 220 ardey iskuulkan ayaa ah mid bilaash ah oo si lacag la,aan ah wax loogu baro dadka danyarta ah ee isugu jira Agoonta iyo Wax mahaysatada.

xaflada loo sameeyey qeybinta direyska ayaa waxaa iyaguna ka hadlay Agaasimaha Arimaha Bulshada Dawlada Hoose Mr. Khadar madooba yare iyo Gudoomiyaha Hayada Odha oo sheegay qiimaha ay leedahay waxtarka iyo gacan qabashada dadka danyarta ah waxaanay Gudoomiye Faadumo siciid madasha ka sheegtay inaaney tani noqon doonin tii uugu horeysay ee ay bixiso laakiin ay keeni doonto deeqo kale oo badan haddii Alle idhaahdo iyadoo si gaar ah uugu mahadcelisay dhalinyarada iyo Maamulka Akademiga ee gacanta ku haya Iskuulka kuna amaantey kaalinta wax ku oolka ah ee ay uugu jiraan Umada.

Gudoomiyaha Akademiga iyo madaxa waxbarashada Akademiga ayaa dhinacooda amaan xoogan u soo jeediyey jaaliyada ku soo tabarucday dhaqalaha dugsiga waxaanay si gaar ah u amaaneen labada shaqsi ee kala ah Barkhad Xaaji Cabdi oo ahaa asaasihii Iskuulka iyo C/raxmaan Axmed Shube oo balan qaadey bixinta kirada iskuulka, iyagoo si gaar ah uugu codsadey dhamaan umada islaamka ah iney ka soo caawiyaan kharashaadka iyo mushaharka Macalimiinta oo iyagu si tabaruc ah wax ku dhiga kuwaas oo tiradoodu dhan tahay 8 macalin.

dugsigan ayaa ah mid lagu barto maadooyinka Qur’aanka, Somaliga, Xisaabta, Cilmiga Bulshada, Tarbiyada islaamk, Sayniska inglishta, iwm

ugu danbeyntiina xaflada ayaa ku dhamaatey si qurux badan.

Haddaba Akhriste haddii aad jeceshahay inaad ka qeyb qaatado kobcinta iyo kaalin galinta aqoonta dadka danyarta ah ee iskuulkan wax lagu baro kana caawiso mushaharada Macalimiinta ma kirada iskuulkan waxaad kala xidhiidhi kartaa Maamulka Akademigaas oo Telfoonkoodu yahay:

002522+4424510/4083333

• No Related Post

Waxaan halkan ugu horayn ka salaamayaa madaxweynaha jamhuuriyada Somaliland iyo guud ahaan bahda saxaafadda Somaliland,

Waxaan halkan BAAQ TAAGEERA AH UGA DIRAYAA SULDAAN DAAKIR XASSAN KHALIIF oo kamid ah salaadiinta muxtarimka ah ee dalkani jamhuuriyada Somaliland uu ku faano isla markaana kamid ah  salaadiinta fara ku tiriska ah ee sida weyn looga qadariyo ugana shaqeeya guud ahaan arimaha horumarka bulshada reer somaliland,

Hadaba waxaan suldaanka halkan uga dirayaa baaq taageero ah oo ku waajahan arimaha sida qiimaha badan suldaanku uga hadlay ee ku saabsan talada uu u soo jeediyey gudidii dhawaan MADAXWEYNAHA JAMHUURIYADA SOMALILAND MUDANE AXMED MAXAMED MAXAMUUD (SIILAANYO) uu u saaray in ay si qota dheer u soo baadhaan kaalinta bulshada la hayb sooco iyo haweenku ay ku leeyihiin arimaha siyaasada Somaliland

Taasoo ahayd mid bulshada beelaha la hayb soocaa ay sugayeen isla markaana aan aamin sanahay in ay timid waxtigii ku munaasibka ahayd,

Hadaba suldaan Daakir Xasan Khaliif oo tala soo jeedintaasi u soo mariyey gudida wargeyska GEESKA AFRIKA cadadkiisii 1281 ee soo baxay 14/09/2011 Ayaa ka waramay baahida loo qabo in gudidu si miisaan leh ay u eegto bulshada la hayb sooco kana taxadiraan in ay tala ahaan ku soo jeediyaan wax dhibaato u horseedi kara bulshadaasi

Hadaba waxaan leeyahay gudidaasi waxaa mudanayaal laydin ka filayaa in aad ka duuli doontaan waaya aragnimada iyo aqoonta aad u leedihiin arimaha siyaasada iyo guud ahaan arimaha bulshada dalka,

Waxaanan aamin sanahay in aad idinkuba ka dharagsan tihiin sida uu tilmaamay ama ka markhaati kacay boog gacmeedka  barnaamij siyaasadeedka xisbiga kulmiye, QODOBKIISA 42 aad farqadiisa sadexaad kaasoo si cad u tilmaamay  in beelaha la hayb soocaa ay dulman yihiin

Isla markaana ay u baahan yihiin in si muuqata wax looga qabto guud ahaan arimaha horumarkooda si loo soo gaadhsiiyo bulshada inteeda kale Waxaanad ogtihiin hadii bulshada reer Somaliland qayb kamid ahi ka meeqaam hoosayso bulshada inteeda kale sida ay saamaynta ugu yeelan karto iyo cawaaqibka mustaqbalka ay horseedi doonto.

Waxaanan qaba taladaasi suldaanku in ay tahay mid wax ku ool ah, wax badana aad ka dhugan doontaan kuna dabakhi doontaan hawlaha laydiin igmaday  waxaanan (ILLAAHAY,) idiinka baryayaa in uu idiin fududeeyo xasanaadkooda idin siiyo idina waafaji xaqa,

Ugu danbayntii waxaan bulshada beelaha la hayb sooco u sheegayaa in markii aanu dadaalka dheer u galnay sidii XISBIGA KULMIYE uu u soo bixi lahaa ay ahmiyadayadu ahayd sidii bulshadani ay u heli lahayd xuquuquhooda siyaasadeed, dhaqan, dhaqaale, shaqo, waxbarasho , caafimaad  iyo bulshaba.

Tanina waxay tahay himilooyinka aanu hiigsanaynay hadii aanu nahay dhalinyaradii, salaadiintii siyaasiyiintii, waxgaradkii iyo aqoonyahanadii Sida hagar la’aanta ah uga hawl-galay doorka muuqdana ka soo ciyaaray Somaliland-ta maanta ee haysa tubtii horumarka, bulshaduna ku naaloonayso Waxaanan mahad-naq halkan uga dirayaa mar-labaad madaxweynaha jsl oo isagu gartay sidaan horayba u soo sheegay ay maanta tahay maalintii ku haboonayd in arimaha bushada aanu ka soo jeedno dib loo eego waxaanan madaxweynaha leeyahay madaxweyne waajibaad ku saaran ayaad sida waajibku ahaa ka yeeshay, waanan kugu hambalyeynaynaa (waxaanan leeyahay libaax nin abaal u galay iyo nin galaday kala ogsoon)

Dadaalka aad haysaan halkaa ka sii wada, walina waa bilaw dadaalkuna waa mid u bahan in la laba jibaaro

(ILLAAHAY-NA) waxaan ka rajaynayaa in aan himiladeena ku guulaysan doono

Waxaanan idin kula dardaarmayaa  in aan la dhagaysan shaqsiyaadka caadaystay kutiri ku teenka iyo hadalada aan meeqaamka saare bulshada dhexdeeda ku lahayn .

ALLAA MAHAD LEH

WABILAAHI TAWFIIQ ASC WARAX MATULAAHI WA BARAKAATO.

BY: KHADAR NADIIF MAXAMED (KHADARQALBI)

khadarqalbi@hotmail.com Tell: 002522-4499779+9105747

• No Related Post

Agoontii ay kafaalo qaateen jaaliyada somalida ee dalka sweden oo tiradoodu hore u aheyd 8 qoys ayaa waxaa lagu soo kordhiyey 8 qoys oo cusub kuwaas oo dhamaantood ka soo jeeda danyarta degan deegaanka daami ee magaalada hargeisa gaar ahaan dadka laheyb-sooco,

qoysaskan hadda tiradoodu gaadhayso 16 qoys ayaa waxa ay ku bilaabmeen hal qoys oo la idhaahdo saado max,ed diiriye taas oo uu kafaalo qaatey mid kamid jaaliyada sweden haddana mareyso heerka ah qoysas badan.

Agoontan ayaa waxaa dhaqaalahooda loogu soo hagaajiya Hussien Ilmi Madar oo kamid ah masuuliyiinta sar sare ee bulshada laheyb-sooco iyo Akademiga horumarka iyo waxbarashada dadka laheyb-sooco.

qoysaskan ayaa waxaa maanta dhaqaalahooda loogu qeybiyey xafiiska Akademiga iyadoo qoyskiiba loo soo diray 50 dollar,

jaaliyada hawshan wada ayaa ah dhalinyaro isku tagtay oo is xilqaamtay kuwaas oo aanu ku jirin qof ka soo jeeda bulshada agoontooda wax loo qabanayo.

laakiin su,aasha isweydiinta mudan ayaa ah maxaa haysta qurba joogta dadka laheyb-sooco ee dadkooda ay hoos uugu soo eegi laayihiin marka laga reebo ashqaas kooban?

• No Related Post

War_saxaafadeed ka soo baxay xarunta dhexe ee Akademiga dadka laheyb-sooco isla markaana uu ku saxeexan yahay Gudoomiyaha Akademigaas ayaa waxaa uu u dhignaa sidan “Akademiyada dadka laheyb-sooca iyadoo u taagan horumarka iyo is dhexgalka dadka iyo sidoo kale tirtirida takoorka aan ku saleysneyn diinta iyo dadnimda,

sidoo kalena  tixgalin weyn u haysaa dhamaan shuruucda dalka somaliland gaar ahaan qodobka 8aad ee distoorka jamhuuriyada somaliland firqadihiisa 1-2-3 kana hadlaaya sinaanta muwaadiinta iyo xaqooda siyaasiga ahba waxay hambalyo iyo taageero weyn u direysaa Madaxweynaha Jamhuuriyada somaliland Mudane, Axmed Silanyo iyadoo ku hambalyeyneysa Magaabista Gudiga ka soo talo bixinta ee ka qeybqaadasha arimaha siyaadeed ee dumarka iyo dadka laheyb-sooco,

waxaaney uugu horeyn Alle uuga baryeysaa gudigan inuu u fududeeyo hawsha culus ee Madaxeynuhu u igmadey sidoo kalena ay soo saaraan talo wax ku ool ah oo anfac u leh dadka iyo dalka.

Akademigu waxaa uu Madaxweynaha kula dardaarmayaa inaanu ka hadhin horumarka iyo dhisida nolosha dadka laheyb-sooco iyadoo tani ay tahay talaabadii kowaad ee uu dhinaca arimaha siyaasada ka qaado ee dadka laheyb-sooco waxaaney ka mid tahay fulinta qodobadii ama barnaamijkii siyaasada ee ololaha xisbiga kulmiye waxaaney qodobadaasi ahaayeen sidan”

SIYAASADDA XISBIGA KULMIYE EE DADKA LA HAYB-SOOCO.

Siyaabo farabadan ayaa loo takooraa dadka la hayb-sooco. Iyadoo ay ugu wacan tahay xaaladooda bulsho iyo dhaqaale, waxa laga duudsiyey ka qaybgalka dhaqaale, waxbarasho iyo siyaasadeed.
Xisbiga Kulmiye waxa ka go’an tirtiridda nooc kasta oo takoor ah, gaar ahaan, kan ku salaysan hayb-sooca. Kulmiye wuxu aqoonsanyahay in dadka la hayb-soocaa ay dulman yihiin, sidaas daraadeed, waxa ka go’an inuu dadkaas ka awood-siiyo dhinacyada dhaqaalaha, waxabarashada, iyo siyaasadda.
Kulmiye wuxu aaminsan yahay in awoodsiinta noocaas ahi ay muftaax u tahay wax ka qabashada takoorka dhaqanka ka soo jeeda iyo la dagaalanka macaamilka xun ee lagu hayo qayb bulshada ka mid ah.
Si dadka la hayb sooco loogu soo celiyo xurmadoodii bin’aadminimo, iyadoo hoos loogu daadegaayo nuxurka dhibaatada, xisbiga Kulmiye wuxu qaadayaa tallaabooyinka soo socda:

1. In xeer ahaan loo qoondeeyo tiro kuraas ah ee wakiilnimada siyaasadeed heer deegaan iyo heer qaran.
2. In dhiirrigelin iyo tixgelin loo siiyo dhinac-yada waxbarashada iyo shaqada dawladda.
3. In la meel mariyo siyaasado iyo shuruuc lagula dagaalamayo cudurkan bulsho, laguna joojinayo takoorka haybta ku dhisan, xeerar adagna laga soo saaro.
4. In saraakiisha dawladda iyo sharci fulinta lagu wacyi- geliyo dacdarrada Kooxaha laga Tirada badan yahay, sidaas daraadeed, la diiwaan geliyo lana baadho xadgudbayada ku xidhiidhsan haybsooca iyo gefafka laga galo Dadka laga Tirada badan yahay
5. In la abuuro barnaamijyo gaar ah oo loo habeeyey tababaridda Dadka laga Tirada badan yahay gaar ahaan xirfad siintooda
6. In loo abuuro fursado ay ku qaataan deyn fudud si kor loogu qaado ganacsiga yar yar ee ay ku hawlan yihiin.,,

Alla Mahad leh

Madaxa warbaahinta Akademiga

A.kadir Eid Salaan

• No Related Post

Marwada Madaxweynaha Somaliland Marwo Amina Waris iyo Maamulka sare ee Akademiga horumarka iyo waxbarashada dadka laheyb-sooco ayaa maanta si wada jir ah uugu qeybiyey boqol qoys oo ah dadka danyartaa xaafada daami raashin isugu jira Bariis, Daqiiq, Sonkor, iyo saliid.
deeqdan ayaa waxaa si toos ah uugu tabarucdey marwada madaxweynaha iyadoo soo marisay Akademiga dadka laheyb-sooco iyo xafiiska samafalka madaxtooyada,
qeybinta deeqdan raashinka ah oo lagu qebtey Barxada weyn ee xarunta Akademiga ayaa waxaa ka soo qeybgalay masuuliyiin ka socday laamaha dawlada, maamulka sare Akademiga, Gudiga xaafada, xildhibaano, agaasimayaal iyo sidoo kale qeybaha kal duwan ee danyarta ku dhaqan xaafada sida, dadka indhoolyaasha ah, dadka lixaadka la, iyo waliba hooyooyinka aan ubadka laheyn.

haddaba waxaa ugu horeyn madasha ka hadashay Agaasimaha samafalka madaxtooyada iyadoo ku nuuxnuuxsatay dadaalka xafiiskeeda iyo xukumada uugu jiraan daryeelka dadka danyarta ah waxaanay sheegtay inaaney aheyn markii kowaad ee xaafada ay keenaan raashin laakin ay jirtaybey tidhi marar hore oo dhawr ah,
waxaa iyaguna si qiimo badan madasha uuga hadlay Gudoomiyaha Akademiga Horurmarka iyo waxbarashada Mudane: Barkhad Jama Hirsi waxaanu si gaar ah uugu nuuxnuuxsaday dadaalka ay qeybaha kala duwan ee reer somalilalnd uugu jiraan horumarinta arimaha bulshada laheyb-sooco isagoo gudoomiyuhu si gaar ah uugu mahadnaqay Madaxweyne Siilaanyo kuna hambalyeeyey gudiga uu magacaabey ee uu u xilsaaray iney ka soo talo bixiyaan sidii dadka laheyb-sooco iyo dumarku uuga qeybgali lahaayeen hanashada hogaanka sare ee dalka iyo ka qeybgalka siyaasada, dhinaca kale waxaa uu gudoomiyuhu si qurux badan u soo bandhigay horumarka dheeraadka ah ee dhalinyarada ka soo jeeda dadka laheyb-sooca ka sameeyeen dhinacyada waxbarashada iyo dhexgalka bulshada isagoo sheegay inuu muuqdo isbedel lagu taami karo waxaanu kula dardaarmay xukumada siilaanyo iney tixgalin gaar ah siiso arimaha bulshada laheyb-sooco.
ugu danbeyntiina waxaa uu marwada iyo masuuliyiintii ka soo qeybgashay madasha kormeer ku soo mariyey dhamaan waxqabka la taaban karo ee uu sameeyey Akademigoodu isagoo so tusay School ay wax ku bartaan boqolaal caruur ah oo uu akademigoodu hirgaliyey iyo xafiisyada shaqo ee akademiga,

isla goobtana waxaa iyaguna ka hadaly oo si balaadhan ugu mahadnaqay marwada Xildhibaan Jirde siciid oo kamid ah xildhibaanada goolaha guurtida iyo khadar madoobe yare oo isna ah agaasimaha arimaha bulshada ee dawlada hoose iyo xussein cilmi madar oo ku hadlaayey magaca odayaasha xaafada waxaanay dhamaantood farta ku fiiqeen waxqabadka dhabta ah ee Akademiga iyagoo marwada kula dardaarmay iney si gaar ah uula shaqeyso Akademiga,

ugu danbeyntiina waxaa madasha ka hadashay Marwo Amina waris iyadoo markii ay hadalka bilowday sacad iyo mashxaradi is qabsatey waxaaney ugu horeyntiiba amaan aan la soo koobi karin korka ka huwisay Maamulka Akademiga,
marwo Aamina waris oo hadlayasa ayaa waxay tidhi: farxad weyn ayey ii tahay inaan maanta imaado xaafada daami oo kamid ah xaafada aan aadka u jeclahay inaan wax u qabto waxaana wax lagu farxo ah ineyo u kaceen dhalinyaro dadkooda iyo dalkooda waxtar u leh waayo waxay dhiseen bulsho niyada laga dilay oo u baahan baxnaano gaar ah taas oo dhaqanku sabab u yahay laakiin diinta iyo dadnimada aan ku jirin.
horta waxaan leeyahay bulshada ha quusanina hana nijad jabina waxaa maanta muuqata ifafaalo fiican mar haddii aad hesheen dhalinyaro aqoonyahano ah oo jaamacadaha ka soo baxay Akademigna idiina sameeyey inta maanta ay idiin qabteen iyo in ka badanna looga fadhiyo waxaan idin leeyahay guul ayaad gaadheen.
ka maamul ahaan way naga go,an tahay inaan wax badan idinla qabano diyaarbaanan unahay insha Allah tanna noqon mayso tii u horeysay ee waxaan noqondoontaa bar bilow fiican.

ugu danbeyntiina waxay marwadu balanqaaday iney sida uugu dhaqsaha badan xukumaad ahaan wax badan ka qabandoonaan arimaha takoorka waxaanay guda gashay qeybinta deeqda raashinka ah.

ayaamo ka hor ayaa waxaa xaafada daami isna ku qeybiyey lacag dhan kun iyo shaboqol oo dollar Sheikh Adan Xaji Max,ud Adam Siiro taas oo si toos ah uugu dhiibey qeybinteeda Akademiga.

• No Related Post

DAAWO VIDEO: SULDAN DAAKIR HASSAN KHALIF OO SHIR JARAAID SAAKA KU QABTAY BURCO, SI WEYNNA U DHALIILAY CULIMADA SOMAALILAND.

Burco(HWN)Suldaan Daakir Hassan khaliif oo ka mid ah Salaadiinta Beelaha Gabooye ayaa Saaka Shir jaraaid ku qabtay Hotel Barwaaqo ee Magaalada Burco,Shirkan Jaraaid ayuu Suldaanku kaga Hadlay Arrimo ay ka mid yihiin Waxyaabaha Islaamnimada Buriya iyo weliba Hab dhaqanka xun ee Bulshadu ku hayso Beelaaha Gabooye.

• No Related Post

Haayada ODHA oo u taagan Office for Developmenta and Humaniterian Affairs ayaa waxay direyska waxbarashada uugu deeqday Dugsiga hoose ee dhexe Adam kaas oo si toos ah ay gacanta uugu hayso Akademiga Horumarka iyo Waxbarashada Dadka Laheyb-sooco ee (Adem),

qalabkan ayaa waxaa uu ka koobnaa direys cadadkiisu dhan yahay 100 shay kaas oo isugu jira direyska wiilasha iyo gabdhaha,

xaflad aad u qiimo badan oo si heer sare ah loo soo agaasimey isla markaana ay ka soo qeybgaleen waalidka, Masuuliyiinta Haayada ODHA, Masuuliyiinta Haayada Akademiga Adem, Masuuliyiin ka socda dawlada ayaa lagu qabtey barxada iskuulka waxaana madasha ka hadlay ugu horeyn Maamulka iskuulka, iyo madaxda Akademiga u qaabilsan dhinaca waxbarashada waxaanay si aad u balaadhan uugu mahadceliyeen Maamulka sare ee haayada odha gaar ahaan gudoomiyaha haayadaasi Marwo faadumo siciid taas oo ay ku tilmaameen Halyeeyad u diyaar ah markasta u shaqeynta dadka iyo dalka waxaanay si gaar ah farta uugu fiiqeen dadaalka shaqsiyadeeda iyo haayadeeda ee ku wajahan arimaha samafalka dhinaca kalena waxaa iyaguna madasha uugu duceeyey qaar kamid ah waalidiinta oo ku hadlaayey magaca waalidiinta,

Ardeyda iskuulka ayaa waxa ay soo bandhigeen Nashiidooyin iyo qur,aan qurux badan oo soo jiitey dhamaan ka soo qeybgalayaasha xaflada halkaas oo ay dadka tuseen tayada waxbarasho ee iskuulkooda,

dugsigan ayaa waxaa uu furan yahay mudo dhan 7 bilood kaas oo ku furmay juhdi iyo dadaal dheer oo ay sameeyeen qaar kamid ah qurba joogta dadka laheyb-sooco isla markaana hormuud uu u ahaa Gudoomiyaha Jaaliyada dadka laheyb-sooco ee dalka Canada Aqoonyahah. Barkhad Xaaji Cabdi. tirada ardeyda iskuulka dhigata ayaa waxa ay dhan tahay 220 ardey iskuulkan ayaa ah mid bilaash ah oo si lacag la,aan ah wax loogu baro dadka danyarta ah ee isugu jira Agoonta iyo Wax mahaysatada.

xaflada loo sameeyey qeybinta direyska ayaa waxaa iyaguna ka hadlay Agaasimaha Arimaha Bulshada Dawlada Hoose Mr. Khadar madooba yare iyo Gudoomiyaha Hayada Odha oo sheegay qiimaha ay leedahay waxtarka iyo gacan qabashada dadka danyarta ah waxaanay Gudoomiye Faadumo siciid madasha ka sheegtay inaaney tani noqon doonin tii uugu horeysay ee ay bixiso laakiin ay keeni doonto deeqo kale oo badan haddii Alle idhaahdo iyadoo si gaar ah uugu mahadcelisay dhalinyarada iyo Maamulka Akademiga ee gacanta ku haya Iskuulka kuna amaantey kaalinta wax ku oolka ah ee ay uugu jiraan Umada.

Gudoomiyaha Akademiga iyo madaxa waxbarashada Akademiga ayaa dhinacooda amaan xoogan u soo jeediyey jaaliyada ku soo tabarucday dhaqalaha dugsiga waxaanay si gaar ah u amaaneen labada shaqsi ee kala ah Barkhad Xaaji Cabdi oo ahaa asaasihii Iskuulka iyo C/raxmaan Axmed Shube oo balan qaadey bixinta kirada iskuulka, iyagoo si gaar ah uugu codsadey dhamaan umada islaamka ah iney ka soo caawiyaan kharashaadka iyo mushaharka Macalimiinta oo iyagu si tabaruc ah wax ku dhiga kuwaas oo tiradoodu dhan tahay 8 macalin.

dugsigan ayaa ah mid lagu barto maadooyinka Qur,aanka, Somaliga, Xisaabta, Cilmiga Bulshada, Tarbiyada islaamk, Sayniska inglishta, iwm

ugu danbeyntiina xaflada ayaa ku dhamaatey si qurux badan.

• No Related Post

1. “Dunida waad ka guuraysaan, waxaadna u guuraysaan xagga daar weligeed jiraysa;
haddaba ka guura idinkoo wata camal khayr badan; waxaa na loo sheegay in dhagax
lagu tuuray salka jahannama uu sii socon doono toddobaatan sano isagoon weli salkeeda
gaadhin; wallaahay in la buuxin doono ma la yaabteen? Wallaahay waxaa na loo sheegay in jannada labadeeda albaab (irridood) loo socdo afartan sano, waxaana iman maalin ay cidhiidhi la buuxsanto”. Waxaa weriyey Imaam Axmed.
2. “Anigu kuma hadlo waxaan xaq ahayn”. Allaheenna wuxuu yidh: “Wixii rasuulku dadka faro waa inay qaataan, wuxuu ka reebana, waa inay ka reebanaadaan (ka hadhaan)”. (akhriso aayadda # 7 ee ku jirta suurat al-Xashr).
3. “Ruuxa Muslimka ah waa ka xaaraan Muslim kale xoolihiisa, sharaftiisa iyo dhiigiisa, waxaa shar ugu filan qof inuu xaqiro walaalkiisa Muslimka ah”.
(Waxaa weriyey Abuu Daawuud iyo Tirmidi).
4. “Ma jiro dulmi iyo qaraabe gooys uga dhaw in Alle ciqaabta ifka uguso dadajiyo iyadoo tii aakhirona u dheertahay”. (Waxaa weriyey Imaam Axmed bin Xanbal).
5. “Dulmiga iska jira waa mugdiga yawmal qiyaamaha, bakhaylnimadana iska jira iyadaa halaagtay kuwii idinka horeeyey”. (Waxaa weriyey Muslim).
6. “ Xoolahayga” xoolahaaga waxa keliya aad ku leedahay waa waxaad cunto oo aad dhammaysato iyo waxaad xidhato (gashato) oo duug noqda iyo waxaad sadaqaysato oo hormarsato. Wixii intaas ka soo hadhay waad ka tegi oo u dhaafi dad kale”.
(Waxaa weriyey Muslim iyo imaam Axmed).
7. “iimaanka waxaa ugu fiican inaad ogaato in Alle kula joogo si kasta aad ku sugantahay”.
8. “Mu’miniintu saddex bay wadaagaan: “Dabka, daaqa iyo biyaha”.
(Waxaa weriyey Imaam Axmed iyo Abuu Daawuud).
9. “Ibna aadanku hadduu dhinto wuu go’aa camalkiisu saddex mooyee “cilmi lagu intifaaco, ilmo fiican oo u duceeya, iyo sadaqo socota ama jaari ah”. (Waxaa weriyey Muslim).
10. “Ruuxii akhrista suuraddaYaasiin habeenkii Alle dartiis waa loo dambi dhaafaa”. Wuxuu kale rasuulku (scw) yidhi “waxaan jeclaan lahaa inay ku jirto qalbiga ruux kasta oo ka tirsan ummadayda”. (Waxaa weriyey Ibnu Xayaan).
11. “Dambiyada kabaairka ah ama dambiyada waa wayn waxaa ka mid : gaalnimo, qof muslim ah oo xaq darro lagu dilo, ka cararka jihadka, waalidka oo la caasiyo, qof haween ah oo dhawrsoon oo lagu sheego dhillo, barashada iyo ku shaqaysiga sixirka ama falka, cunidda ribada, cunidda xoolaha agoonta si xaq darro ah, sinada, dhaarta beenta ah iyo marag furka beenta ah”.
12. “Waxaa idiinku khayr badan kiina cumrigiiso dheeraado, camalkiisuna fiicnaado”.
13. “Faqrigu wuxuu u dhow yahay kufrinimo ama gaalnimo”.
14. “Geelo waa cisisi iyo sharaf, adhiguna waa barako”.
15. “Su’aashu waa cilmiga badhkiis”.
16. “Fadliga cilmigu wuu ka khayr badan yahay fadliga camalka”.
17. “Cilmiga waxaa ugu fadli badan kiisa daaimka ah (joogto) haba yaraadee”.
18. Haweeynay madaw oo wax dhasha ayaa ka khayr badan qurux badan ma dhasho ah”.
19. “Haweenka waxaa ugu khayr badan tan wax dhasha ee dabeecadda wacan ee
qalbi fiican ama qalbi nugul). Waxaa iddiin usuries Maxamed Cali Daad. (Uduceeya).

Mohamed Dad <mohameddad@hotmail.com>

• No Related Post

waxaa deeq raashin ah oo isugu jirta Timir, Bariis, Saliid, iyo waliba sidoo kale Geel tiradiisu dhan tahay shan neef loo qeybiyey qaar kamid ah danyarta xaafada daami ee magaalada hargeisa.

Deeqdan oo ay soo bixiyeen Xafiiska Samafalka ee Madaxtooyada iyo sidoo kale muwaadin sucuudiyaan ah oo ka gaabsadey in magaciisa la xuso ayaa waxaa lagu qeybiyey xarunta dhexe ee Akademiga Horumarka iyo Waxbarashada waxaana ka soo qeybgalay Odayaasha Xaafada, Maamulka Sare ee Akademiga,  Gudoomiyaha Xaafada,  Xildhibaano, Agaasimaha Samafalka Madaxtooyada,  iyo sidoo kale Agaasimaha Bilicda Caasimada Hargeisa.

haddaba waxaa ugu horeyntiiba madasha ka hadashay Agaasimaha samafalka Madaxtooyada Marwo Aamin Max,ud Diiriye waxaanay ka hadashay sida xafiiskeeda ihtimaamka u siiyo dadka danyarta ah ee dalka jooga gaar ahaan kuwa xaafada daami waxaanay u mahadcelisay dadkii soo bixiyey deeqdan iyo sidoo kale Maamulka Akademiga oo hawshan kaalin mugleh ka qaatey ayey tidhi marwo Aamina iyadoo balanqaadeyna iney deeqdani noqon tii ugu horeysay uguna danbeysay ee xafiiskeedu keeno xaafada laakiin kuwo kale ay jiro doonaan.

dhinaca kale waxaa iyaguna ka hadlay madasha masuuliyiin tiro badan oo ay kamid ahaayeen Madaxa samafalka Akademiga Khadar Nadiif, Gudoomiyaha Xaafada Jama Khadar, Xildhibaan Jirde Siciid,  iyo sidoo kale Odeyg Xussein Cilmi Madar,  waxaanay dhamaantood u mahadceliyeen deeqdan cida soo fidisay iyo sidoo kale Maamulka Xafiska Samafalka Madaxtooyada. waxaanay kula dardaarmeen dadweynaha xaafada iney ka faa,ideystaan oo ay dareemaan qiimaha ay dalka ku leeyihiiin.

bishan barkeysan ee ramadaan ayaa ah mid bilaha kale kaga duwan waxyaabo fara badan oo ay kamid tahay: waxbixinta iyo sadaqada masaakiinta waxaana la odhan karaa waa sababta wakhtigan ay uugu soo beegan tahay qeybinta deeqda noocan ahi.

waxaana ugu danbeyntii la gudo galay qeybinta deeqdan iyadoo si habsami ah u bilaabmatey kuna dhamaatey si qurux badan dadweynihiina ay ducaynayaan

• No Related Post

kooxda kubada cagta ee Shubayaasha isla markaana ku ciyaarta magaca Abwaankii caanka ahaa ee C/laahi Cabdi Shube ayaa waxa ay wacdaro aad u yaableh ka dhigeen garoomaada hargeisa qaarkooda sida Xawaadle iyo garoonka jig jiga yar.

kooxdan oo ka qeybqaadaneysa ku dhawaad sadex tartan ayaa waxaa yaab leh sida hibada uu Alle uugu siiyeey farshaxannimada kubada cagta taas oo soo jiidatey dhamaan indhaha taageerayaasha kooxaha kubada cagta hargeisa.

inamada kooxdan ayaa wada ah dhalinyaro ka soo jeeda Beelaha Gabooye ee inta badan somalidu faquuqa iyo fogeynta ku hayaan waxaanad moodaa iney dhinaca kale iyagu uu Alle hibo badan siiyey taas oo aan aheyn tu la iska sameyn karo,

kooxdan ayaa ku caan ah kooxda midgaha waxaanay taasi dhiirigalisay dhamaan dadka gabooye ee dagan Hargeisa keeda wadaadka ah iyo keeda waranlaha ahba oo maalinka ay kooxdani ciyaarayso soo buuxdhaafiya garoonka iyagoo sacab iyo foodhi, sawaxan ku taageera.

dhinaca kale taageeradooda ayaan aheyn kuwo ku kooban dadka ay ka soo jeedaan iyadoo kooxda oo dhamina tahay gabooye ayaa waxay soo jiidataa dadka garoonka imaada kuwaas oo la jibooda farshaxannimadooda kubadeed dabeetana is hayn kari waayo oo sacabka isku dara.

marka aad garoonka gasho ayaad shucuurtaaduba is badaleysaa adigoo arkaaya kooxda shubayaasha oo ciyaarta bar bilowgeeda iyo bardhamaadkeeda oo ay maamulayaan markaasaas mararka qaar is waydiinaysaa talow haddii maamulka somalida loo dhiibi lahaana sidaas ayey u maareyn lahaayeen.

kooxdan ayaa kamid noqotay kooxaha uugu cad cad garoomada hargeisa iyadoo maalinka ay ciyaaraanba boga hore ee saxaafada somaliland lagu soo daabaco waxaanay hadda si qurux badan uugu soo gudbeen wareega labaad ee tartamada kubada.

kooxaha kale ee garoomada ka dheelaya ayaa ah kuwo ku ciyaara magacda shirkadaha ganacsiga iyo kuwa mujaahidiinta SNM dhinaca kooxdanina ku ciyaarto magaca mujaahidiinta Gabooye.

tartamada ayaa waxa ay marayaan meeshii uu xamaasada kululeyd laakiin lama garan karo cida la hoyan doonta koobka.

Barkhad Jama Hirsi

• No Related Post

• No Related Post

• No Related Post

(Hadhwanaagnews) Saturday, August 13, 2011
Burco(HWN) Tababarkan oo ay maaalgelisay Hay’adda Caalamiga ah ee NED islamarkaasna ay fulisay Hay’adda Wadaniga ah ee VOSOMWO ayaa si weyn loogu lafa Guray Aayaha iyo Mustaqbalka Beelaha la haybsooco, waxana Furitaanka Tababarkan ka hadlay Badhasabka Gobolka Yasin Muxumed Cabdi, Abwaan Hadrawi, Sh. Cali Warsame iyo Suldaan Daakir Hassan Khalif.

DAAWO VIDEO: URURKA VOSOMWO oo Tababar ku saabsan Xuquuda Beelaha La haybsooco iyo Ka qaybgalka Siyaasada ee Beelaha Gabooye ku Qabtay Magaalada Burco.

Burco(HWN) Tababarkan oo ay maaalgelisay Hay’adda Caalamiga ah ee NED islamarkaasna ay fulisay Hay’adda Wadaniga ah ee VOSOMWO ayaa si weyn loogu lafa Guray Aayaha iyo Mustaqbalka Beelaha la haybsooco, waxana Furitaanka Tababarkan ka hadlay Badhasabka Gobolka Yasin Muxumed Cabdi, Abwaan Hadrawi, Sh. Cali Warsame iyo Suldaan Daakir Hassan Khalif.

Hadhwanaagnews Burco / Office

Hadhwanaagnewsburco@hotmail.com
Submitted By: Mustafa Burco

• No Related Post

• No Related Post

Dadka la hayb-soocaa waxay xaq u leeyihiin inay ka mid ahaadaan kana qaybgalaan samaynta iyo hirgelinta siyaasadaha horumarinta dalkooda iyo dhismaha xukuumadda ee markastaba dalka ka jirta, marka loo eego xuquuuqda sinnaanta dadka ee diinteenna wanaagsan ee islaamka ah ina farayso, xeeraraka dalka ee la jaan-qaadaya dimoqraadiyadda iyo xeerarka caalamiga ah ee xuquuqda aadamaha, ayaa waxaa lagama maarmaan ah in xuquuqda dadka la hayb-sooco ee Somaliland ku nooli ay la jaanqaaaddo geeddi-socodka horumarka iyo daryeelka xuquuqda muwaadininta. Dadaalka dadka la hayb-soocaa ugu jiraan gaadhitaanka inay dhinac walba ula sinaadaan bulshowaynta Somaliland ee ka mid ka yihiin oo ay ula wadaagaan dimoqraadiyadda horumarka iyo xuquuqda guud ahaaneed waxa fure u ah ka qaybgalka siyaasadda iyo talada dalkooda. Sidaa darteed, waxaan u soo jeedinaynaa xisbiyada siyaasiga ah ee ku tartamaya hoggaanka dalka in ay u arkaan waxa lagama maarmaan ah in dadka la hayb-sooco ay ku jiraan talada dalka oo u oggolaadaan codad iyagu ka tirsan oo qeexa arrimaha iyaga gaarka u ah, xalna loogu helo, taasoo noqonaysa dimuqraadiyadda wada-tashiga ku dhisan ee laga wada qaybqaadanayo.

Haddaba, waxaan ka filaynaa xisbiyada qaranka inay si buuxda u hirgalyaan nidaamka amma fikradaha samaynta nidaam khaas amma tiro kuraas ah oo cayiman (Quota), marnaba maaha fadiilo amma asxaan gaara oo loo fidinayo beelaha la hayb-sooco amma laga tirada badan yahay ee waa ku meelayntooda dhabta ah inay helaan xuquuq la mida kuway haystaan beelaha tirada badan ee ay dalka wada wadaagaan. Caam ahaan, nidaamkaas khaaska ah ee (Quota) amma kuraasta cayiman ee iyagoo keliya ku tartamayaan wuxuu wax ka tarayaa ku soo milmidda beelaha la hayb-sooco ee bulshada inteeda kale, wuxuuna aayitiin fiican oo mustaqbaleed siinayaa beelaha la hayb-sooco, markay ku dhexjiraan amma qayb ka yihiin hawl-qabadyada qaran ee siyaasadeed iyo kuwo bulsheed.

Waxay qaybtooda ka helayaan nidaamka xukuumadeed, waxayna awood u helayaan inay wax ku biiriyaan sharci-samaynta, waxayna door weyn ka qaadayaan maamulka dalka. Marka dib loo yara milicsado doorashooyinkii dalka hore uga dhacay iyo halka amma raadka ay ku yeesheen dadka la hayb sooco, taas oo bilaw u ah halganka amma dadaalka ay bilaabeen beelaha la hayb sooco iyagoo ah muwaadiniin Somaliland asal ah in takoor iyo tiro yaraan ku waayeen xuquuqdoodii ka qaybgalka horumarka, talada iyo siyaasadda dalka ma aha wax la aqbali karayo.

Haddaba, haddii ay ku soo bixi waayeen doorashooyinkii dalka hore uga dhacay ee degaanka iyo baarlamaanka; taasi ma in aanay xubno gole degaan iyo mid baarlamaan midnaba waxba ku yeelan ayey xukumaysaa? Waxa lagama maarmaan ah dadka la hayb-soocaa si ay uga qaybgalaan golayaasha lagu go’aamiyo arrimaha saameeya noloshooda, si xuquuda dadka oo dhan mid yar iyo mid badan dhammaan dalka ku wada nool loo sinmo in la raadiyo hab kale oo shuruucda dalka dib loogu eegayo si loogu sameeyo dariiq sharciga waafaqsan oo ay kaga qaybgalaan golayaasha lagu qorshaynayo siyaasadda khusaynaysa baahidooda iyo noloshooda, isla markaana siinaya fursad ay waxtarkooda ku yeeshaan horumarka bulshada iyo xuquuqda dadka ka soo jeeda beelaha Gabooye ee ku nool Somaliland.

Maqaalkan oo ku jeeda xisbiyada qaranka, golayaasha sharci-dejinta iyo xukuumadda Somaliland iyo dhammaan dadwaynaha waxaannu u soo jeedinaynaa dhammaantood in la beddelo hab-dhaqanka bulsho ama siyaaysadeed ee dhiirrigalinaya xaqiraadda iyo iska-nebcaanta ku wajahan amma loo qaado dadka la hayb-sooco ee ka mid ah muwaadiniinta Somaliland, laguna taageero ka qaybgalka siyaasadda iyo talada dalkooda, si ay uga qaybqaataan horumarka iyo wax-soo-saarka, isla markaana looga faa’iidaysto si qumman xirfadaha iyo wax-garadnimada dadka la hayb-sooco iyo kartidooda guud, taas oo wax weyn ku biirin karta wanaagga iyo horumarka guud ee qarannimadeenna.

Hadaba iyadoo laga duulaayo diinteenna wanaagsan ee islaamka ahi sida ay ina farayso ee xuquuuqda iyo sinaanta dadka muslimka ah, Sidoo kale distoorka qaranka iyo xeerarka kale ee dalka ee la jaan qaadaya Xeerarka caalamaiga ah iyo kuwa gololeed ee xuquuqda aadamaha iyo dimoqraadiyadda. Mabaadi’da xuquuq loo wada siman yahay ee dimoqraadiga ahi, waxa weeye in baahiyaha qof kasta ay nuhiimad isku mid ah leeyihiin. Dadyawga ka soo jeeda beelaha laga tirada badan yahay ama la hayb sooco ee dalka ku nooli (Gabooyaha, yibraha, tumaalaha) waxay xaq u leeyihiin sinaan xagga xuquuqda iyo fursadaha horumarka nolosha sida shaqada iyo xilalka dawaladda  in ay helaan si la mid muwaadiniinta kale

La sooco maqaalka dambe…………

Voice of Somaliland Minority Women Organization – VOSOMWO, Hargeisa.

• No Related Post

haddaba waxaa ugu horeyn madasha ka hadashay gudoomiyaha xuquuqul insaanka marwo Aamina Cabdillahi Axmed oo amaan u soo jeedisay Barkhad iyo Barnaamijka Cadaalada ee uu soo jeediyo waxaana hadaladeedii kamid ahaa” waxaanu idinka mahadnaqeynaa ka soo qeybgalka aad ka soo qeybgasheen munaasibadan oo aanu dooneyno inaanu ku maamuusno Barkhad Jama Hirsi oo kamid ah shaqaalaha HCTV Barkhad oo barnaamij aad mihiim uugu ah qaranka ka wada Tv_ga  Barnaamijkaas oo ka hadla cadaalada somaliland iyo sida loogu baahan yahay in cadaalada loo sugo oo looga shaqeeyo, run ahaantii waxaanu aad iyo aad uula dhacney barnaamijkaas oo door mihiim ah u leh nolosha bulshada iyo waaxda garsoorka waayo waxa maamulka Tv-ga iyo Barkhadba aanu uugu hambalyeyneynaa mawduusi xasaasiga ah ee hadii la eego ah mawduucyada uugu wanaagsan somaliland iyo barta ay bulshada u bugto waxaanan odhan karnaa qeyb weyn ayey ku lahaayeen wax ka badalka garsoorka dalka iyo hagaajintiisaba iyagoo ka sameeyey kana diyaariyey Filimo iyo barnaamijyo Murugo iyo muraara dillaac leh.
markaa maanta munaasibadan waxaanu ku dooneynaa inaanu gudoonsiino shahaado sharaf Barkhad,

waxaanan aaminsannahay iney saxaafadu tahay seefta kaliyaata ee sixi karta khaladaadka bulshada iyo dawladaba, anaguna maadaama aanu ka masuulnahay xuquuqda muwaadiniinta qaranka waxaa nala haboon cid kasta oo nagala shaqeysa cadaalada iyo xuquudaba inaanu waxay mudan yihiin ku maamuusno. waxaaney gudoomiyuhu u soo jeedisay bahda saxaafada somaliland iney xooga saaraan arimaha bulshada intey wax kale ku mashquulsan yihiin. ugu danbeyntiina waxay si aad iyo aad u sareeya u amaantey dadaalka dheeraadka ah ee Barkhad Jama iyo

HCTV.  dhinaca kale waxaa isaguna hadalo kooban halkaas ka soo jeediyey Agaasimaha guud ee tilifeshinka HCTV Max,ed Cabdi Ilig oo ka warbixiyey kaalinta tilifeeshinkoodu uugu jiro bulshada iyo sida aanu macaash doon u aheyn ee uu uuga taliyo aayaha bulshada gaar ahaan kuwooda nugul, waxaanu agaasimuhu ku nuuxnuuxdsadey sida ay mudadan danbe xilweyn isaga saareen hagaajinta cadaalada isagoo sheegay inuu Alle oo kaliyaata sixi karo cadaalada laakiin iyagu doorkooda ay ka ciyaarayaan,
agaasimaha oo hadalkiisa sii wata ayaa waxaa uu yidhi kadib markii aanu aragney ka maamul ahaan sida ay mihiimka u tahay wax ka qabashada cadaalada darada shacabku ka tirsanayeen waaxda garsoorka ayaa waxaanu raadiney inaanu helno dad aqoon iyo xirfad saxaafadeed iyo tu sharciba leh waxaanan ku guuleysaney inuu Barkhad nagala shaqeeyo cadaalada waayo waxaa weeye nin ka soo baxay Jaamacad sharciga ah waxaanan kalsooni buuxda ku qabney inuu inta karaankiisa ah wax sixi karo waanu ku guuleystay oo waad arkeyseen Barnaamijyada aadka u qiimaha badnaa ee uu soo tabin jiray waxaanan leeyahay Barkhad waad mahasan tahay ee dadaalka halkaas ka sii wad tv-gana sharaf ayaad u soo hoysay.

ugu danbeyntiina waxaa shahaado sharaf la gudoonsiiyey Barkhad Jama Xirsi Barkhad Cadaali.
dhinaca kalena Barkhad ayaa ah Gudoomiyaha Akademiga Horumarka iyo Waxbarashada ee (Adem)
mana aha markii kowaad ee la gudoonsiiyo shahaado sharafyo noocan oo kale ah.

xigasho wargeyska geeska

• No Related Post

salaan kaddib waxaan jeclahay inaan ka qaybqaato dulmigaan sidii loo joojin lahaa

wixii talo iyo tusaale ah hiil iyo hooba

waxaan ahay Muslim ,Somali fiyoow oo aaminsan in somalidu kala sareen laguna kala

sareeyo sida Allaah loogu kala dhow yahay

walalayaal dulmigaan wuxuu dhacay xilli hore oo daku jaahil ahaayeen xag diin iyo

dhanka noloshaba waxa uu dhacay xilli sida loo kala wiilal badan yahay la,isu gumeesto

ama gumaado

Qoys kastaa oo somali ah waa uu kadhex jiraa dulmigaan

wax ku kooban madhibaan,tumaal,gabooye mahan

sidaad ogtihiin Dadku waxa uu kayimid Nabi Aadan (cs)

somalidana cid si dhab ah u haysa mesha ay kasoo jeeddo ama katimid

majirto.

Tusaale Qabiilka aan kadhashay waxa jira Qoysas hoose oy faquuqaan ama takoran. oo layaqaan in hal Aabo wada dhalay sababta loo takoorayna waa un dulmi iyo gardarro iyo waan idinka badannahay. jifoyinkaas oo ah kuwa ugu qurxoon,ugu deeqsisan(saqisan) Qabiilkeyga.

sidadhabta ah ama taariqdu sheegto waxa ay dileen Nin sheikh ah Nabadoonna ah

waxa lagu xukmiyay in xoolahooda oo dhan looga qaado mag markastaa oy xoolo tabcadaan waa laga qaadi jiray illa ay jifadii faqri noqdaan oo la faquuqo ama latakooro waxa jira maahmaah dhan oo  oranaysa ma magtii Maxamed Da’udbaa (macnuhu madhamato miyaa)

waligiin ma maqasheen Qof dhaqale ama madax ah oo la takooraaya?

waxaan soo gaaray General Maxamed Ali Samater oo  Qabiloyin isku sheega Nasab sheegtaan

mad maqasheen Profesor Maxamed Ashkir Bootaan oo la liidayo (Allah u naxariistee)?! no

haddaba somali Faqriga iyo aqoon yarida ayey isku caydaa.

Beeluhu mahan minority, mahan Ethnic group, mahan dad laga badan yahay

Tusaale Daarood 50 oday ayuu soo kala  tirsadaa waxana kujira beelo 10 Qoys aan dhameen oo Darod ah Hawiye sidoo kale Isaaq sidoo kale.

Dadka laga tiro badan yahay waxa ladhahaa Dad Midabka Dadka kale kaduwan ama ka Diin duwan ama Layaqaano meshay kasoo jeedaan sidaasdarteed waa in lajoojiyaa ereygaas

• No Related Post

Kulan balaadhan oo lagaga hadlayey Arimaha Takoorka oo Burco ka dhacay!

Kulan aad u balaadhan oo ay isugu yimaadeen qeybaha kala duwan ee Bulshada Gobolka Togdheer  isla markaana lagu qaadaa dhigayey arimaha takoorka ayaa lagu qabtey magaalo madaxda gobolkaasi ee Burco.

Kulankan oo ay iska kaashadeen labada haayadood ee kala ah Akademiga Horumarka iyo Waxbarashada Dadka laheyb-sooco iyo Haayada Xuquuqul Insanka Qaranka Somaliland ayaa waxaa lagu soo bandhigey Daraasad cilmiyeed la quseysa kaalmaha ay kaga jiraan Bulshada Laheyb-soocaa Waxbarashada, Dhaqaalaha, Siyaasada, Shaqada, iyo sidoo kale qeybaha aasaasiga ah ee nolosha Bulshada.

Daraasadan ayaa daaha ka rogtey inaaney dadka laheyb-soocaa guud ahaan saami mugleh ku laheyn Shaqada Haayadaha Dawlada marka laga reebo labad qof oo iyagu ah kuwa dhulka xaadha ama jaadhwalayaasha, sidoo kalena aaney jirin qof ka soo jeeda bulshadaas oo shaqaale ka ah shirkadaha gaarka loo leeyahay.

dhinaca waxbarashadana ay uuga dhigmaan bulshada kale boqolkiiba kow  1 %

daraasadan oo si qurux badan loogu soo bandhigey madasha isla markaana uu soo bandhigey isuduwaha barnaamijyada Akademiga Mudane. Xussein Ibrahim Xassan ayaa waxay si fiican u soo jiidatey dareenka dadwaynihii ka soo qeybgalay madasha.

haddaba intaas kadib waxaa la gudo galay barnaamijkii oo guud ahaantiiba ahaa mid wacyigalinta bulshada ee arimaha takoorka quseeya waxaana ugu horeyntiiba hadalka bilaabey Agaasimaha Akademiga Max,ed Jama  waxaanu sheegay ahdaafta ay ka leeyihiin kulamada noocanoo kale ah iyo sababta ay u soo doorteen Magaalada burco isaga oo Gudoomiyuhu hadalkiisa sii wata ayaa waxaa uu si gaar ah u tilmaamey wanaaga Alle ku galadeystay Bulshada laheyb-sooco kuwaas oo uu ku tilmaamey qaar Alle hibo u siiyey Farshaqannimada iyo Muruqmaalka kuwaas oo ah buu yidhi Gudoomiyuhu (Sancomaal) Agaasimaha  ayaa sheegay iney dadkani yihiin kuwo wax badan kaga duwan somalida inteeda kale iyadoo aan lagu arag ayaa uu yidhi Dad dawarsada, Dad madhaleys ah, dad doqmo ah, dad waalwaalan, dad xanuuno qaba. iyo sidoo kale dad camal la’aan ah.  Waxaanu gudoomiyuhu dadkii madasha isugu yimid sharaxaad waafiya ka siiyey magaca midgaan iyo micnihiisa.

Dhinaca kale waxaa iyaguna madasha ka hadlay Isuduwayaasha Wasaaradaha Waxbarashada, Arimaha bulshada, waxaaney sheegeen inuu dulmi badan jiro oo lagu hayo dadkaasi haddii ay tahay dhinaca waxbarashada iyo haddii ay tahay dhinaca shaqadaba,

Sudlaan daakir xasan khaliif oo kamid ah salaadiinta dadka laheyb-sooco ayaa si gaar ah farta uugu fiiqay dhibaatooyinka haysta dadkiisa iyo sida laga bixi karo isagoo suldaanku sheegay iney jiraan dad hortaagan horumarka dadkan isla markaana sheeganaaya iney yihiin kuwa ka masuul ah umadan waxaanu suldaanku amaan dheeraad ah u soo jeediyey qurba joogta dadkan oo ah kuwo iyagu jecel wanaaga dadkooda laakiinbuu  wakhtigan xaadirka ah ku hawlan sidii ay umadooda u horumarin lahaayeen.

Abwaan hurre walanwal iyo Gudoomiyaha shirkada Telsom iyo sidoo kale Gudoomiyaha Jaamacada Burco ayaa iyaguna ku nuuxnuuxsadey qiimaha ay leedahay darjarka Takoorka iyo faa,idooyinka ku jira ifka iyo Aakhiradaba waxaaney umada uuga digeen dhamaantood dhibaatada iyo cuqubada ay leedahay xaqiraada aan ku saleysneyn diinta iyo dadnimada.

Dhinaca kale saraakiil ka socotey haayada xuquuqul insanka qaranka ayaa dhinacooda iftiimiyey kiisaska uugu xunxun ee bulshada dhexdeeda ay ku arkaan tahay takoorka gaar ahaan dhinaca guurka,

Ugu danbeyntii waxaa hadalka madasha soo xidhey Badhasaabka gobolka Todhgeer Yaasiin Max,ed Cabdi waxaanu masuulkaasi ka markhaati kacay dhibaatada lagu hayo dadkaasi iney tahay mid aad u foolxun isagoo kula dardaarmay dadwaynihii madasha yimid iney maamulka gobolka kala qeybqaataan tirtirida Takoorka.  Waxaanu masuulka ku balanqaadey iney qiimo gaar ah siin doonaan shaqaaleysiinta dadka laga laheyb-sooco. Waxaana ugu danbeyntii madasha lagaga dhawaaqey Guddi qaran oo si joogto ah uuga shaqeyndoonta arimaha bulshada laheyb-sooco.

Guddidan ayaa waxay isugu jirtaa Salaadiin, Abwaano. Culimo. Aqoonyahano. Ganacsato. Masuuliyiinta Dawlada oo uu kamid yahay badhsaabka gobolka iyo sidoo kalen Haweenka iyo dhalinyarada waxaana Gudoomiye looga dhigay Gudoomiyaha Jaamacada Burco.

Pro. A/raxmaan

guud ahaan jawiga madasha ayaa ahaa mid si fiican iyo is afgarad ku dhamaadey.

A/kadir Eid Salaan

Xoghaya Guud ee Akademiga.

• No Related Post