(Dulmane) Foolatee Maxaa Lafilayaa? (By Qareen Barqad)

Faafin: Dulmane.com: 11 July, 2010

(Dulmane) Foolatee Maxaa Lafilayaa? (By Qareen Barqad)  | Akhri Qoraalkan

Weyneeso Masawirka ( Xiix masawirka korkiisa)

• No Related Post

Foolatee Maxaa Lafilayaa?

Waxaan maanta waxyar rabaa inaan ka xasuusiyo bulsha weynta beelaha laheyb_sooco dareenka xisbiga kulmiye iyo ahmiyada weyn ee uu u hayo dadkeena.
waxaa laga joogaa mudo gaaban kadib markii Siilaanyo oo ahaa gudoomiyaha xisbiga kulmiye loo doortey Madaxweynaha Somaliland, waxaanu intii ololaha doorashadu socdey faqaare kasta iyo fooq kastaba kaga waramayey kaalinta iyo miisaanka ay dadkeenu ku leeyihiin guud ahaan xisbiga gaar ahaan shaqsiyadiisa.
haddaba waxaa inta badan bulshada beelaha laheyb-sooco ee dagan Somaliland isla dhex marayaan su,aalo ay kamid tahay xukumadan hadda dhalatey tii hore miyey inooga nafci fiicnaandoontaa mise way ka mandarro badan doontaa?
 
su,aash jawaabteeda ayaan ilaa haatan lagaba haynin xisbiga kulmiye waxaanu wali ku gudo jiraa sidii uu u soo yegleeli lahaa xukumad tiro yar tayadeeduna wacan tahay.
 
anigoon haddaba ka hadleyn rabitaankeyga shaqsi, diidmadeyda shaqsi, naceybshaheyga, iyo sidoo kale jaceylkeyga, ayaan jeclaystey bal inaan waxyar ka iiftiimiyo aragtida umada laheyb-sooco ee xisbiga kulmiye iyo waxaa la filanaayo.
 
xisbiga kulmiye ayaa waxaa uu meesha ka saarey xantii aheyd xisbigaasi waa neceb yahay dadka laheyb-sooco waxaana taas daliil buuxa u noqdey Buugii xisbiga ee uu kaga hadlaayey barnaamijkiisa siyaasadeed ee dalka uu ku hagi doono taas oo si lixaadle uugu xusay dadka laheyb-sooco waxaaney sababtey inuu xisbigu soo jiito indhaha bulshada laheyb-sooco meelkasta oo ay daafaha dunida ka joogaan,
 
haddaan inyar aan idin xasuusiyo waxaa kamid ahaa qodobka 42aad oo uu xisbigu ku yidhi sida tan:
 
siyaabo fara badan ayaa loo takooraa dadka laheyb_sooco. iyadoo ay uugu wacan tahay xaaladooda bulsho iyo dhaqaale. waxaa laga duudsiyey ka qeybgalka dhaqaale. waxbarasho. iyo siyaasadeed.
Xisbiga kulmiye waxa ka go,an tirtirida nooc kasta oo takoor ah. gaar ahaan. kan ku saleysan haybsooca.
kulmiye wuxuu aqoonsan yahay in dadka laheybsoocaa ay dulman yihiin. sidaas daraadee. waxaa ka go,an inuu dadkaas ka awood siiyo dhinacyada dhaqaalaha. waxbarashada, siyaasada,
kulmiye wuxu aaminsan yahay in awood siinta noocaas ahi muftaax u tahay waxka qabashada takoorka dhaqanka ka soo jeeda iyo la dagaalanka macaamilka xun ee lagu hayo bulshada laheybsooco.
Si dadka laheybsooco loogu soo celiyo xurmadoodii bini,aadamnimo iyadoo hoos loogu daadagayo nuxurka dhibaatada, xisbiga kulmiye wuxuu qaadayaa talaabooyinkan soo socda:
 
1:  In xeer ahaan loo qoondeeyo tiro kuraaseed wakiilnimada siyaasadeed oo heer deegaan iyo mid qaranba leh.
 
2:  In tixgalin loo siiyo dhinaca waxbarashada iyo shaqada dawlada
 
3:  In l meel mariyo siyaasado iyo mashaariic lagula dagaalamayo cudurka bulsho laguna joojinaayo takoorka
haybta ku dhisan xeerar adagna laga soo saaro.
 
4:  In saraakiisha dawlada lagu wacyi_galiyo dacdarada
 beelaha laheybsooco sidaas daraadeed la diwaan galiyo lana baadho xadgudubyada ku xidhiidhsan haybsooca iyo gafafka laga gallo beelaha laheybsooco
 
5:  In la abuuro barnaamijyo gaar ah oo loo habeeyey toobabarida beelaha laheybsooco gaar ahaan taabo galinta xirfadooda shaqo.
 
6:  In loo abuuro fursado ay ku qaataan deyn fudud si kor loogu qaado ganacsiga yaryar ee ay ku hawlan yihiin.
 
ka hor dhici maayo waxaa uu soo wado Madaxweyne Axmed Max,ed Max,ud Siilaanyo laakiin waxaan Alle ka baryayaa iney xukumadiisa si mugleh uuga muuqdaan umada laheyb-sooco haamahooda oo dhan qabiil kaliyana aaney ku koobnaan xukumadiisu balse ay noqoto mid loo wada siman yahay insha Allaah,
 
dhinaca kalena waxaan hambalyeynayaa Suldaan Daakir Xassan Khaliif oo ahaa halyey dareemay danta umada isla markaana u tafo xaytey sidii dadka laheybsoocaa miisaan uugu yeelan lahaayeen xisbiga kulmiye isaga iyo dhalinyaradii qiimaha badneyd ee la waday hawshana waxaan leeyahay guul,
 
su,aasha aan ku soo gababa gabeynayo ayaa waxaa ay tahay:
 
xisbiga kulmiye guushii waa gaadhey laakiin ma fulindoonaa iney wax badan ka fulaan  balanqaadyadiisaas waxaan uuga tagayaa jawaabta su,aashan akhristayaasha sharafta badan ee webka dulmane
 
Alla Mahad leh
 
Qareen: Barkhad Jama Hirsi
 
Email: Midgaanyare@hotmail.com

Readers Comments